સુરત શહેરના પોલીસ અધિકારી-કર્મચારીઓ માટે મેડિકલ કેમ્પ યોજાયો

સુરત શહેરના પોલીસ તાલીમ કેન્દ્ર ખાતે પોલીસ કમિશ્નરશ્રી અજયકુમાર તોમરની રાહબરી હેઠળ અને ના.પો.કમિ.(વહિવટ અને મુખ્ય મથક) શ્રીમતી સરોજકુમારીના માર્ગદર્શન હેઠળ સુરત શહેરમાં ફરજ બજાવતા અધિકારી/કર્મચારીઓ પોતાના સ્વાસ્થ્ય પ્રત્યે જાગૃત થાય તે માટે ‘નિરામય ગુજરાત’ કાર્યક્રમ અંતર્ગત મેડિકલ કેમ્પ યોજાયો હતો. જેમાં ૨૫૦ જેટલા પોલીસ અધિકારી-કર્મચારીઓએ હાઈ બ્લડપ્રેશર, ડાયાબિટીસ, કિડનીને લગતા રોગોના નિદાન અને સારવારનો લાભ મેળવ્યો હતો.
કેમ્પમાં સુરત સિટીઝન કાઉન્સિલ ટ્રસ્ટ અને ઈન્ડિયા રિનલ ફાઉન્ડેશન-સુરતના ચેરમેનશ્રી શરદ કાપડીયા, શહેરના જાણીતા નેફ્રોલોજીસ્ટ ડો.દીપક તમાકુવાલા, છાંયડો ટ્રસ્ટ-સુરતના પ્રેસિડેન્ટશ્રી ભરતભાઈ શાહે ઉપસ્થિત રહીને તમામ અધિકારી/કર્મચારીઓને સ્વાસ્થ્ય પ્રત્યેની જવાબદારી અને નાની નાની કાળજીઓ રાખીને કઈ રીતે મોટા રોગોથી બચીને જીવન સ્ફુર્તિમય જીવી શકાય એ બાબતે માર્ગદર્શન આપી જાગૃત્ત કર્યા હતા.

ગુજરાતના તમામ સ્થળે પ્રેસ પ્રતિનિધિ નિમવાના છે રસ ધરાવતા યુવક- યુવતીઓ સંપર્ક કરે. 7574888861

"વંદે માતરમ ,ભારત માતાકી જય"