ભરૂચ,
ભરૂચ શહેરના શક્તિનાથ વિસ્તારમાં આવેલા શ્રી આદિનાથ જિનાલય ખાતે જૈન ધર્મના પવિત્ર પર્વ જ્ઞાન પંચમીની શ્રદ્ધા, ભક્તિ અને ધાર્મિક ઉત્સાહ સાથે ભવ્ય ઉજવણી કરવામાં આવી હતી. આ પાવન અવસરે જિનાલયમાં ભક્તિમય માહોલ છવાયો હતો અને જૈન શ્રાવક-શ્રાવિકાઓએ ઉત્સાહપૂર્વક ધાર્મિક આરાધનામાં ભાગ લીધો હતો.
જૈન ધર્મમાં જ્ઞાન પંચમીનું વિશેષ ધાર્મિક અને આધ્યાત્મિક મહત્ત્વ છે. આ દિવસ જ્ઞાનની ઉપાસના, ધર્મગ્રંથો પ્રત્યે આદર અને શાસ્ત્રોની આરાધનાને સમર્પિત છે. જ્ઞાન દ્વારા આત્મકલ્યાણ અને જીવનમાં સાચી સમજણ પ્રાપ્ત થાય છે તેવી ભાવના સાથે જૈન સમાજમાં આ પર્વની ઉજવણી કરવામાં આવે છે.
શ્રી આદિનાથ જિનાલય ખાતે જ્ઞાન પંચમી નિમિત્તે ધાર્મિક વાતાવરણ વચ્ચે પૂજા-અર્ચના અને આરાધનાનો માહોલ જોવા મળ્યો હતો. શ્રદ્ધાળુઓએ ભગવાનનાં દર્શન કરી ધર્મલાભ મેળવ્યો હતો. જિનાલયમાં ભક્તિ અને આસ્થાનો અનોખો સંગમ જોવા મળ્યો હતો.
આ ઉજવણીના પગલે શક્તિનાથ સ્થિત શ્રી આદિનાથ જિનાલયમાં સમગ્ર દિવસ દરમિયાન ધાર્મિક માહોલ રહ્યો હતો. જ્ઞાન, સંસ્કાર અને ધર્મપ્રત્યેની શ્રદ્ધાને વધુ દૃઢ બનાવતા આ પવિત્ર પર્વની ઉજવણી ભક્તિભાવપૂર્વક સંપન્ન થઈ હતી.
"વંદે માતરમ ,ભારત માતાકી જય"
