અમદાવાદ,તા.૨૧
અમદાવાદ મ્યુનિસિપલ કોર્પોરેશન દ્વારા ગ્દૈંડ્ઢની પાછળના ભાગમાં આવેલા રિવરફ્રન્ટ ખાતે સ્ટોર્મ વોટર લાઈન બનાવવાની કામગીરી ચાલી રહી છે. આ કામગીરી દરમિયાન શનિવારના રોજ અકસ્માત બનવા પામ્યો હતો. કામગીરી દરમિયાન અચાનક જૂની દિવાલનો પાયો કોઈક કારણોસર ખસી જતા દિવાલ ધડાકાભેર તૂટી પડી હતી. દિવાલ તૂટવાની સાથે જ ઘટના સ્થળે બે મહિલા મજૂરના મોત થયા હતા. જયારે બાકીના બે મજૂર ઈજાગ્રસ્ત થયા હતા જેમને સારવાર અર્થે નજીકની હોસ્પિટલ ખાતે ૧૦૮ દ્વારા ખસેડવામાં આવ્યા છે.
ઘટનાની જાણ થતા છસ્ઝ્રના અધિકારીઓ ઘટના સ્થળે દોડી આવ્યા હતા અને તેઓએ આ ઘટના કેવી રીતે બની તે અંગેની તપાસ પણ હાથ ધરી છે. પોલીસને પણ આ અંગેની જાણકારી પ્રાપ્ત થતા તપાસ આદરી છે.
ઉલ્લેખનીય છે કે, અમદાવાદ મ્યુનિસિપલ કોર્પોરેશન દ્વારા સ્ટોર્મ વોટર લાઈન પટેલ ઈન્ફ્રાસ્ટ્રક્ચર પ્રાઇવેટ લિમિટેડની આપવામાં આવી છે. કોન્ટ્રાક્ટર દ્વારા તથા એમએમસીના અધિકારીઓ દ્વારા વારંવાર બેદરકારીની ઘટના બનતી રહે છે અને જેના કારણે અકસ્માત સર્જાતા રહે છે.
હવે જોવાનું રહ્યું કે ક્યારે નિંદ્રામાં પોઢેલા સત્તાધીશો જાગે છે અને જવાબદાર તત્વો સામે પગલાં લે છે.
"વંદે માતરમ ,ભારત માતાકી જય"
