સોનીપત,તા.૨૦
સરહદ પર ગોળી મારે બાદમાં માથું કાપીને બર્બરતાથી હત્યા કરાયેલા બીએસએફના હેડ કોન્સ્ટેબલ નરેન્દ્ર સિંહ સેનાપતિને તેમના પૈતૃક ગામમાં લોકોએ અંતિમ વિદાય આપી હતી. શહીદ જવાનને અંતિમ વિદાય આપવા માટે હજારો લોકો ઉમટી પડ્યા હતા. હાજર લોકોના મનમાં પાકની આ નાપાક હરકત પર ગુસ્સો હતો ત્યાંજ બીજી બીજું શહીદ જવાનની શોકમાં આંખો ભીની હતી. નરેન્દ્ર સિંહનો મૃતદેહ જમ્મુના રામગઢ સેક્ટરમાંથી પ્રાપ્ત થયો હતો. પાકિસ્તાની સેનાએ માત્ર તેમને ગોળીઓ નહતી મારી તેમના મૃતદેહ સાથે બર્બરતા પણ કરી હતી.
પિતાના શહીદ થવાને કારણે દુઃખી પુત્રએ પાક. દ્વારા કરાયેલા આ બર્બરતા પર સરકાર દ્વારા પલગા લેવા રજૂઆત કરી હતી. તેણે જણાવ્યું કે, અમારા માટે પિતાની શહીદી ગર્વની વાત છે. બધાને તિરંગામાં અંતિમ વિદાય મળતી નથી. પરંતુ અમે માત્ર ગર્વ કરીને બેસી શકતા નથી. આપણને આજે ગર્વ છે, કાલે કોઇ બીજા શહીદ થશે અને આપણને ફરીથી ગર્વ થશે. અમે સરકાર પાસે પગલાની માંગ કરીએ છીએ.
તેણે વધુમાં જણાવ્યું કે, આજે આપણને ગર્વ છે, પરંતુ ૨-૩ દિવસ બાદ શું, જ્યારે અમને કોઇ મદદ મળશે નહી? હું અને મારો ભાઇ બેરોજગાર છે. મારા પિતા પરિવારના એકલા કમાનારા સભ્ય હતા અને તેઓ દેશની સેવા કરતા શહીદ થઇ ગયા છે. હું ઇચ્છું છું કે, ઓથોરિટી અમને તે વસ્તુઓ પુરી પાડે જેની અમને જરૂર છે.
આ અગાઉ બુધવારે સાંજે ભારતે સૈન્ય અભિયાન નિયામક સ્તરની વાર્તા દરમિયાન બીએસએફ જવાનની હત્યાને લઇને પાક. સમક્ષ વિરોધ વ્યકત કરાયો છે. સૂત્રોના જણાવ્યા મુજબ, વાતચીત દરમિયાન ભારતે આંતરરાષ્ટ્રીય સરહદ પર બીએસએફ જવાનની જઘન્ય હત્યાને યુદ્ધ વિરામનું ઉલ્લંઘન ગણાવી વિરોધ દાખલ કર્યો છે.
(જી.એન.એસ)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
MO. 9978406923
PRESS CARD આપવામાં આવશે.
આવતી કાલના સમાચાર પત્રો ના સંભવિત સમાચાર આજેજ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861
"વંદે માતરમ ,ભારત માતાકી જય"
