કોચ્ચી,તા.૨૫
કેરળના મુખ્યમંત્રી પિનરાઈ વિજયનને બુધવારે પત્રકારોએ ત્રીજા ચરણની લોકસભા ચૂંટણીમાં વિક્રમજનક વોટિંગ થયું હોવા સંદર્ભે પ્રશ્ન પૂછ્યો હતો, આ સમયે મુખ્યમંત્રી પી.વિજયને મગજ પરથી કાબુ ગુમાવી દીધો હતો. મુખ્યમંત્રીએ પ્રશ્નો પૂછી રહેલાં પત્રકારોને ગુસ્સામાં આવીને કહ્યું કે, ‘દૂર રહો.’
મુખ્યમંત્રીનો કથિત ‘અસભ્ય’ વ્યવહાર સવારના સમયમાં જાવા મળ્યો, ત્યારે તેઓ સરકારી ગેસ્ટહાઉસથી બહાર નીકળી રહ્યાં હતાં. મુખ્યમંત્રી પી.વિજયને પત્રકારોને કહ્યું કે, ‘મારી નિલક્કૂ અંગોટૂ’, જેનો મતબલ ‘દૂર રહો’ થાય છે.
અત્રે ઉલ્લેખનીય છે કે, છેલ્લા ત્રણ દાયકામાં કેરળમાં પ્રથમ વખત વિક્રમજનક ૭૭.૬૮ ટકા મતદાન થયું છે. દેશના સૌથી સાક્ષર રાજ્ય કેરળમાં મંગળવારે ત્રીજા ચરણ અંતર્ગત તમામ ૨૦ બેઠકો પર મતદાન થયું હતું.
રાજ્યમાં સત્તાધારી પાર્ટી એલડીએફ અને વિપક્ષી યૂડીએફ વચ્ચે વધુને વધુ બેઠક જીતવા માટે કટ્ટર જંગ જાવા મળ્યો છે. કેરળમાં રાજ્યની સૌથી ચર્ચિત લોકસભા સીટ વયનાડ રહી, જ્યાંથી કોંગ્રેસ અધ્યક્ષ રાહુલ ગાંધી ચૂંટણી લડી રહ્યાં છે. કોંગ્રેસની પરંપરાગત બેઠક હોવા છતાં વાયનાડમાં ડાબેરી પાર્ટીઓ અને ભાજપે અહીં રાહુલની ઘેરાબંધી કરી છે. ૨૦૧૪માં કોંગ્રેસના ઉમેદવાર શાનવાસ આ બેઠક પરથી ફક્ત ૨૦ વોટના માર્જિનથી ડાબેરી પાર્ટીના ઉમેદવાર સત્યન મોકેરીને હરાવ્યા હતાં.
"વંદે માતરમ ,ભારત માતાકી જય"
