સ્નાન માટે ૧૦,ટોઈલેટના ઉપયોગ માટે ૫ રૂ.ચૂકવવા પડશે
અમદાવાદ,તા.૬
રેલવે તંત્રએ સ્નાનગૃહ અને પે એન્ડ યુઝ ટોઇલેટ વ્યવસ્થાના ભાવમાં બમણો વધારો કરી દીધો છે. પે એન્ડ યુઝ પોલિસી ર૦૧૮ અંતર્ગત રેલવે તંત્રએ રેલવે સ્ટેશન ઉપર ઉપલબ્ધ સુવિધા પે એન્ડ યુઝ ટોઇલેટના નવા ભાવો જાહેર કરી દીધા છે. આ અન્વયે સ્નાન માટે રૂ.૧૦ અને ટોઇલેટના ઉપયોગ માટે યાત્રીઓએ રૂ.પની ચૂકવણી કરવી પડશે.
એક તરફ રેલવે પ્રવાસીઓ માટે નવી નવી સુવિધાઓ જાહેર કરી રહ્યું છે તો બીજી તરફ રેલવેમાં મુસાફરી કરતા હજારો યાત્રીઓ રેલવે પ્લેટફોર્મ પર પ્રતીક્ષા દરમ્યાન પે એન્ડ યુઝનો ઉપયોગ કરે છે. તેમાં બમણો ભાવ વધારો ઝીંકતા યાત્રીઓમાં કચવાટ ઊભો થયો છે.
આ અંગે અમદાવાદ રેલવે સ્ટેશનનાં પીઆરઓ પ્રદીપ શર્માએ જણાવ્યું હતું કે, સ્વચ્છ ભારત મિશન અંતર્ગત સ્વચ્છતા માટે રેલવે તંત્રએ પે એન્ડ યુઝ ર૦૧૮ પોલિસી લાગુ કરવાનો નિર્ણય કર્યો છે. તેનો હવે અમલ કરવામાં આવી રહ્યો છે. આ પોલિસી હેઠળ ટોઇલેટ અને સ્નાનગૃહની સુવિધા અને સફાઇ ઉપર વધારે ધ્યાન આપવામાં આવશે.
રેલવે તંત્રમાં ટ્રેનના કોચ ઉપરાંત વેઇટિંગ રૂમ સહિતનાં સ્થળોએ બાથરૂમ ટોઇલેટની વ્યવસ્થા નિઃશુલ્ક છે. પરંતુ રેલવે સ્ટેશન પરિસર અને પ્લેટફોર્મ પર બનાવવામાં આવેલા પે એન્ડ યુઝ માટે યાત્રીઓએ પૈસા આપવા પડે છે. હાલમાં ટોઇલેટ માટે રૂ.ર અને સ્નાન માટે રૂ.૩ ચૂકવવા પડતા હતા તે વધીને હવે રૂ.પ અને સીધા ૧૦ કરી દેવાયા છે.
(જી.એન.એસ)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
Mo. 9978406923
PRESS card આપવામાં આવશે
*આવતી કાલના સમાચાર પત્રો ના સંભવિત સમાચાર આજેજ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861
"વંદે માતરમ ,ભારત માતાકી જય"
