ભાવનગર,તા.૨૬
ભાવનગર શહેરના ભરતનગર વિસ્તારમાં રહેતા પુત્રએ તેની જનેતાએ બીજા લગ્ન કરી લીધાની દાઝ રાખી ગઇકાલે હીચકારો હુમલો કરતા ચકચાર મચી જવા પામી હતી. આ બનાવમાં ઇજાગ્રસ્ત મહિલાને પીઠમાં છરી સાથે સારવાર માટે સર ટી હોસ્પીટલમા ખસેડવામા આવ્યા હતા. જ્યા પોલીસે મોડી રાત્રે ફરીયાદ નોંધી આજે હુમલો કરનાર પુત્રની ધરપકડ કરી લોકઅપ હવાલે કર્યો હતો.
બનાવના કારણમાં સમીરની માતાએ બીજા લગ્ન કરી લીધા હોય જેની દાઝ રાખી ગઇકાલે સમીરે આ હુમલો કર્યો હતો. જે વખતે તેણીના પિતા મનહરભાઇ પણ ત્યા હાજર હતા અને તેણે સમીરને આ મામલે મદદગારી કરી હોવાનુ પોલીસ ફરિયાદમાં જણાવ્યુ હતુ. પોલીસે આરોપી સમીરની ધરપકડ કરી લોકઅપ હવાલે કર્યો હતો. મળતી વિગતો મુજબ ભરતનગર સીંગલમાળીયામા રૂમ નંબર-૨૨માં રહેતા નમ્રતાબેન હસમુખભાઇ પરમારે તેણીના સગાભાઇ સમીર મનહરભાઇ ચૌહાણ વિરૂદ્ધ નોંધાવેલી ફરીયાદમાં જણાવ્યું હતુ કે તેણીનાં માતા વનીતાબેન મનહરભાઇ ચૌહાણ આખલોલ જકાતનાકા પાસે રહે છે. જેમની સાથે ગત રાત્રે તેમના ભાઇ સમીરે માતા સાથે ઝઘડો કરી ઉશ્કેરાટમા આવી જઇ માતા પર છરીના આડેધડ ઘા ઝિંકી દેતા અને છરી પીઠમાં રહી જતા તેણીને સારવાર માટે સર ટી.હોસ્પીટલમા ખસેડાયા હતા.
"વંદે માતરમ ,ભારત માતાકી જય"
