ઇન્દોર,તા.૧૪
ભારતના ઓફ સ્પિનર રવિચન્દ્રન અશ્વિને પોતાની યશકલગીમાં વધુ એક છોગું ઉમેર્યું છે. બાંગ્લાદેશ સામેની પ્રથમ ટેસ્ટ મેચમાં મોમિનુલ હકની વિકેટ ઝડપવાની સાથે જ અશ્વિન ટેસ્ટ ક્રિકેટમાં ઘરઆંગણે ૨૫૦ વિકેટ ઝડપવાની યાદીમાં ત્રીજા ક્રમે આવી ગયો છે. અગાઉ લેજેન્ડરી લેગ સ્પિનર અનિલ કુંબલે અને પૂર્વ ભારતીય ક્રિકેટર હરભજન સિંહે આ સિદ્ધી મેળવી હતી. લંચ પૂર્વેના સેશનમાં અશ્વિનને બાંગ્લાદેશ સામે કોઈ સફળતા મળી નહતી. જો કે લંચ બાદ અશ્વિનની ફિરકીમાં બાંગ્લાદેશનો કેપ્ટન મોમિનુલ હક આવી ગયો હતો. અશ્વિને મોમિનુલ હકને ક્લિન બોલ્ડ કરતા ઘરઆંગણે ૨૫૦ વિકેટ ઝડપવાની સિદ્ધી પ્રાપ્ત કરી હતી.
અગાઉ અનિલ કુંબલેએ ઘરઆંગણે ટેસ્ટ ક્રિકેટમાં ૩૫૦ વિકેટ જ્યારે હરભજન સિંહે ૨૬૫ વિકેટ ઝડપવાનું કિર્તિમાન મેળવ્યું હતું.
આ ઉપરાંત અશ્વિન વિશ્વ ક્રિકેટમાં ઘરઆંગણે સૌથી ઝડપી ૨૫૦ વિકેટ ઝડપનાર ક્રિકેટર બન્યો હતો. શ્રીલંકાન સ્પિનર મુથૈયા મુરલિધરને ૪૦ ટેસ્ટમાં જ આ બહુમાન મેળવ્યું હતું જ્યારે ભારતીય બોલર અનિલ કુંબલેએ ૪૧ ટેસ્ટ મેચમાં ઘરઆંગણે ૨૫૦ વિકેટ ઝડપી હતી. રવિચન્દ્રન અશ્વિને ભારતની ધરતી પર ૨૫૦મી વિકેટ ૪૨મી ટેસ્ટમાં મેળવીને આ યાદીમાં સ્થાન મેળવ્યું છે.
"વંદે માતરમ ,ભારત માતાકી જય"
