વડોદરા,તા.૨૮
છોટાઉદેપુરમાં એસટી બસને અકસ્માત નડયો છે. આ અકસ્માતમાં ૧૦થી વધુ મુસાફરો ઘાયલ થયા છે. સવારના સમયે બસનો અકસ્માત થયો છે. આ આકસ્માત બાદ તાત્કાલિક ઘાયલ થયેલા મુસાફરોને સારવાર માટે ખસેડવામાં આવ્યા છે. આ બસ મોરબીના હળવદથી છોટાઉદેપુર આવી રહી હતી તે દરમિયાન આ અકસ્માત સર્જાયો હતો. બસના ડ્રાઈવરે સ્ટિયરિંગ પરથી કાબૂ ગુમાવ્યા પછી બસ રોડની નીચે ઉતરી ગઈ હતી અને ઝાડ સાથે અથડાઈ ગઈ હતી. અકસ્માતમાં બસને સામાન્ય નુકસાન થયું છે જોકે, બસની અંદર સવાર ૧૦થી ૧૫ જેટલા મુસાફરો ઘાયલ થયા છે.
બસ ઝાડ સાથે અથડાયા બાદ મુસાફરોની ચિચિયારી શરુ થઈ ગઈ હતી, રાહદારીઓ અકસ્માત બાદ મુસાફરોની મદદ માટે દોડી આવ્યા હતા. ઘાયલોને સારવાર માટે નજીકની હોસ્પિટલમાં ખસેડવામાં આવ્યા છે. આ અકસ્માત કઈ રીતે થયો તે અંગે વધુ વિગતો માટે રાહ જોવાઈ રહી છે.
"વંદે માતરમ ,ભારત માતાકી જય"
