બારામૂલા,તા.૨૪
જમ્મુ-કાશ્મીરના બારામૂલામાં ગુરુવારે મોડી રાત્રે લશ્કરે તૈયબાના આતંકવાદીઓ દ્વારા વન વિભાગના એક અધિકારી તારિક અહમદની ગોળી મારીને હત્યા કરવામાં આવી છે. જમ્મુ-કાશ્મીર પોલીસ પ્રમાણે. આતંકવાદી ટન્ગમર્ગના જંડપાલ વિસ્તારમાં આવેલા તારીક અહમદ મલિકના મકાનમાં ઘૂસી આવ્યા હતા અને તેમને ગોળી મારી દીધી હતી. પોલીસે જણાવ્યુ હતુ કે મલિક ગંભીરપણે ઈજાગ્રસ્ત થયા હતા અને બાદમાં તેમનું મોત નીપજ્યું હતું. પોલીસે આ મામલે ફરિયાદ નોંધી છે.
પ્રારંભિક તપાસમાં લશ્કરે તૈયબાના આતંકવાદી યૂસુફ ડાર ઉર્ફે કટરુની સંડોવણી સામે આવી છે. મહત્વપૂર્ણ છે કે આતંકવાદીઓએ બકરીઈદ પર ૪૮ કલાકમાં ત્રણ પોલીસકર્મીઓ અને ભાજપના એક કાર્યકર્તાની હત્યા કરી હતી. પુલવામામાં એક ઈન્સ્પેક્ટર મોહમ્મદ અશરફ ડારની તેમના ઘરમાં ઘૂસીને ગોળી મારીને હત્યા કરી હતી. અશરફ કાશ્મીરના બડગામમાં તેનાત હતા અને ઈદની ઉજવણી માટે પોતાના ઘરે આવ્યા હતા.
(જી.એન.એસ.)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
Mo. 9978406923
PRESS card આપવામાં આવશે
"વંદે માતરમ ,ભારત માતાકી જય"
