ઓમાહા,તા.૨
ઈન્વેસ્ટમેન્ટ ગુરૂ અને બર્કશાયર હેથવેના ચેરમેન વોરેન બફેટે રૂ. ૨૪,૮૪૦ કરોડના (૩.૬ અબજ ડોલર) ૧.૬૮ કરોડ શેર દાનમાં આપાવનો નિર્ણય કર્યો છે. આ શેર પાંચ સંસ્થાઓ, બિલ એન્ડ મેલિંડા ગેટ્સ ફાઉન્ડેશન, સુસાન થોમ્પ્સન બફેટ ફાઉન્ડેશન, શેરવુડ ફાઉન્ડેશન, હાર્વર્ડ જી બફેટ ફાઉન્ડેશન અને નોવો ફાઉન્ડેશનને મળશે. બફેટની કંપની બર્કશાયર હાથવે એ આ અંગેની સત્તાવાહ માહિતી આપી હતી.
બફેટે ૨૦૦૬થી અત્યાર સુધીમાં દર વર્ષે શેરનો કેટલોક ભાગ દાનમાં આપવાની જાહેરાત કરી હતી. તે વખતે ૧.૫ અબજ ડોલરના શેર દાન કર્યા હતા. બર્કશાયર હાથવેના જણાવ્યા મુજબ બફેટે અત્યાર સુધીમાં પોતાના શેરો ક્યારેય વેચ્યા નથી.
બર્કશાયરમાં ૨૦૦૬માં પોતાના શેરહોલ્ડિંગમાંથી ૪૫% ટકા હિસ્સાનું પાંચ ફાઉન્ડેશનને દાન આપ્યું છે. અત્યાર સુધીમાં બફેટે દાન કરેલા શેરોનું મૂલ્ય રૂ. ૨.૩૫ લાખ કરોડને (૩૫ અબજ ડોલર) આંબી ગયું છે.
ગત સપ્તાહે વોલમાર્ટના ઉત્તરાધિકારી જિમ વોલ્ટને ૧.૨ અબજ ડોલરના શેર દાન કરવાની જાહેરાત કરી હતી. હોમ ડિપોટના સહ-સ્થાપક બર્ની મારકસે પણ ગત સપ્તાહે જણાવ્યું કે તે ૪.૫ અબજ ડોલરની સંપૂર્ણ સંપત્તિનું દાન કરશે.
"વંદે માતરમ ,ભારત માતાકી જય"
