પૂણે,તા.૨
ભીમા-કોરેગાંવ હિંસા મામલે યલગાર પરિષદની ભૂમિકાની તપાસ કરતી પૂણે પોલીસને આરોપીઓ સામે ચાર્જશીટ દાખલ કરવા સેશન્સ કોર્ટે ત્રણ મહિનાની મુદત આપી છે.
પૂણે પોલીસે ભીમા-કોરેગાંવ હિંસા મામલે પાંચ આરોપી વિલ્સન, સુધીર ધાવલે, સુરેન્દ્ર ગાડલિંગ, શોભા સેન અને મહેશ રાવત સામે ચાર્જશીટ દાખલ કરવા માટે કોર્ટ પાસેથી ૯૦ દિવસનો સમય માંગ્યો હતો, જેને કોર્ટે મંજૂરી આપી છે. આ મામલે આરોપી શોભા સેન અને સુરેન્દ્ર ગાડલિંગેએ જામીન માટે અરજી કરી હતી જેની કોર્ટ દ્વારા ૬ સપ્ટેમ્બરે સુનાવણી કરાશે.
નોંધનીય છે કે ગત સપ્તાહમાં મંગળવારે દેશના ઘણા ભાગોમાં દરોડા પાડીને પોલીસે પાંચ ક્ટિવિસ્ટ્સ સુધા ભારદ્વાજ, વરવરા રાવ, ગૌતમ નવલખા, અરુણ ફરેરા અને વેરનોન ગોંઝાલ્વિસની ધરપકડ કરી હતી. જા કે સુપ્રીમ કોર્ટના આદેશ પછી આ બધાની ધરપકડને રોકીને ૬ સપ્ટેમ્બર સુધી તેમના જ ઘરમાં નજરકેદ રાખવામાં આવ્યા છે. સુપ્રીમ કોર્ટે ઇતિહાસકાર રોમિલા થાપર અને અન્ય ચાર લોકોની અરજી પર સુનાવણી કરતા ધરપકડ કરાયેલા સામાજીક કાર્યકરોને મોટી રાહત આપતા તેમને નજરકેદ રાખવાનો આદેશ કર્યો હતો.
આ પહેલા મહારાષ્ટ્ર્ પોલીસે શુક્રવારે આરોપીઓ પાસેથી જપ્ત કરેલા પત્રોને જાહેર કરતા જણાવ્યું હતું કે આ પત્રોથી સાબિત થાય છે કે આરોપીઓ માઓવાદિઓ સાથે સંપર્કમાં હતા અને ચૂંટાયેલી સરકારને તોડવાના પ્રયાસમાં જાડાયેલા હતા. મહારાષ્ટ્ર પોલીસના એડીજી પરમબીર સિંહે જણાવ્યું હતું કે આરોપીઓના માઓવાદિઓ સાથે સંબંધને લઇને પોલીસ સંપૂર્ણપણે સહમત છે તેથી જ આ મામલે દેશના વિભિન્ન શહેરામાં પુણે પોલીસે કાર્યવાહી હાથ ધરી હતી.
(જી.એન.એસ.)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
MO. 9978406923
PRESS CARD આપવામાં આવશે.
આવતી કાલના સમાચાર પત્રો ના સંભવિત સમાચાર આજેજ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861
"વંદે માતરમ ,ભારત માતાકી જય"
