વલસાડ, તા.૨૮
વલસાડના કેબી મોલમાં ૨૦૦૬માં એન્જલ બ્રોકિંગ પ્રા.લી. નામની કંપની શરૂ કરી હતી. આ કંપનીમાં રોકાણકારોએ ટ્રેડ એકાઉન્ટ પણ ખોલાવ્યા હતા. કંપનીએ ઇન્વેસ્ટરોને વિશ્વાસ અને ભરોસો આપી વેપારીક સંબંધો બાંધી ઇન્વેસ્ટરોના ખાતામાંથી પરવાનગી, સંમતિ વગર રોકાણકારોની જાણ બહાર શેર લે-વેચમાં ખોટા ટ્રેડ ફાડી ખાતામાં નુકશાન પહોîચાડ્યું છે. જે અંગેની ફરિયાદ ૨૦૦૮ના વર્ષમાં મહેશભાઇ વેણીલાલ બલસારાએ વલસાડ સીટી પોલીસ સ્ટેશનમાં આપતાં તેમના વિરુદ્ધ ગુનો દાખલ થયો હતો. આ કંપનીમા ટ્રેડ એકાઉન્ટ ધરાવતા રોકાણકારોને કંપની વિરુદ્ધ કોઇ લેણાં અંગે ફરિયાદ હોય તો વલસાડ સીટી પોલીસ સ્ટેશનનો સંપર્ક કરવા પોલીસ ઇન્સ્પેક્ટર એચ.જે.ભટ્ટ દ્વારા જણાવાયું છે.
"વંદે માતરમ ,ભારત માતાકી જય"
