ન્યુ દિલ્હી,તા.૨
આંધ્ર પ્રદેશના મુખ્યમંત્રી એન ચન્દ્રબાબૂ નાયડૂએ મોદી સરકાર પર આંધ્ર પ્રદેશ સાથે છેતરપિંડી કરવાનો આરોપ લગાવ્યો છે. તેમણે જણાવ્યું હતું કે, વચગાળાના બજેટમાં રાજ્ય માટે કંઇપણ નથી. કેન્દ્ર સરકાર પર નિશાન સાધતા તેમણે જણાવ્યું હતું કે, નરેન્દ્ર મોદી સરકારે પોતાના કાર્યકાળના તમામ વર્ષોમાં આંધ્ર પ્રદેશ સાથે છેતરપિંડી કરી છે.
તેમણે જણાવ્યું હતું કે, કેન્દ્ર સરકારની પાસે લોકસભા ચૂંટણી પહેલા પોતાના અંતિમ બજેટમાં પણ રાજ્ય માટે કંઇ નથી. તેમણે રાજ્યના ભાજપ ધારાસભ્યો પર નિશાન સાધતા જણાવ્યું હતું કે, તેઓ લોકોના પ્રતિનિધિ બનવા માટે યોગ્ય નથી. તેમણે વડાપ્રધાનના નેતૃત્વ વાળી એનડીએ સરકારને બ્રિટિશ શાસનથી પણ વધારે ખરાબ ગણાવી હતી. તેમણે જણાવ્યું હતું કે, શા માટે આપણે કેન્દ્ર સરકારને કર ચૂકવવો જાઈએ? રાજ્યની આવક પર કેન્દ્રનો અધિકારી શું છે? તેઓ માત્ર ધમકાવવાનો રાજકારણ કરે છે. શું આંધ્ર પ્રદેશ દેશનો ભાગ નથી?
ઉલ્લેખનીય છે કે, આંધ્ર પ્રદેશમાં ટીડીપીના નેતૃત્વમાં વિવિધ સંગઠનોએ કેન્દ્ર પાસેથી એપી પુનર્ગઠન કાયદો,૨૦૧૪માં કરવામાં આવેલા વાયદાઓને પૂરા કરવા અને રાજ્યને તાત્કાલિક વિશેષ દરજ્જો આપવાની માંગને લઇને શુક્રવારે એક રાજ્યવ્યાપી બંધ બોલવ્યો હતો.
"વંદે માતરમ ,ભારત માતાકી જય"
