ન્યુ દિલ્હી,તા.૩૦
મુંબઈના બ્રેબાન સ્ટેડિયમમાં સોમવારે રમાયેલા મુકાબલામાં શાનદાર બોલિંગ કરીને વેસ્ટ ઈન્ડિઝની કમર તોડી નાંખનારા ભારતના નવોદિત ફાસ્ટ બોલર ખલીલ અહમદને મેદાન પર વધારે પડતો જાશ દેખાડવો ભારે પડ્યો છે. આઈસીસીની આચારસંહિતામાં તે દોષી જણાયો છે.
ખલીલ પર બ્રેબોન સ્ટેડિયમમાં રમાયેલી મેચ દરમિયાન માર્લોન સેમ્યુઅલ્સ સાથે દુર્વ્યવાહર બદલ આઇસીસીએ ચેતવણી અને એક ડીમેરિટ પોઇન્ટ આપવામાં આવ્યો છે. સેમ્યુઅલ્સને આઉટ કર્યા બાદ ખલીલને અપશબ્દો કહેતો સાંભળવામાં આવ્યો હતો. તે ઊંચા અવાજમાં કઈંક બોલતો પણ જાવાયો હતો.
આઈસીસીએ મંગળવારે કહ્યું કે, ખલીલને આઈસીસીની આચારસંહિતાના લેવલ-૧ના ઉલ્લંઘન બદલ દોષી જણાયો છે. તેણે આચારસંહિતનાની કલમ ૨-૫ (એક આંતરરાષ્ટ્રીય મેચ દરમિયાન હરિફ ખેલાડી સાથે દુર્વ્યવહાર કરવો કે અભદ્ર ભાષાનો ઉપયોગ કરવો)નું ઉલ્લંઘન કર્યું છે.
ખલીલે ઉલ્લંઘનનો સ્વીકાર કરીને મેચ રેફરી ક્રિસ બ્રોડ દ્વારા લગાવવામાં આવેલા દંડનો સ્વીકાર કરી લીધો છે. ખલીલે પાંચ ઓવરમાં ૧૩ રન આપીને સેમ્યુઅલ્સ, હેટમાયર અને પોવેલની વિકેટ ઝડપી હતી. તેના આંતરરાષ્ટ્રીય કરિયરનો આ પાંચમો મુકાબલો હતો.
(જી.એન.એસ)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
MO. 9978406923
PRESS CARD આપવામાં આવશે.
આવતી કાલના સમાચાર પત્રો ના સંભવિત સમાચાર આજેજ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861
"વંદે માતરમ ,ભારત માતાકી જય"
