પશ્ચિમ કચ્છ એસઓજીએ ર૦૦ બોરી શંકાસ્પદ કોલસો ઝડપ્યો

July 18, 2018

શહેરની ભાગોળે ખાવડા રોડ પર ચાર રસ્તા પાસે મહિલાશ્રમ પાસેથી પશ્ચિમ કચ્છ એસઓજીએ બાતમીને આધારે શંકાસ્પદ કોલસાનો જથ્થો ઝડપી પાડ્યો હતો. પોલીસ ચોપડેથી પ્રાપ્ત વિગતો મુજબ એસઓજી પીઆઈ વી.કે. ખાટને મળેલ બાતમીને આધારે પોલીસ સ્ટાફ ખાવડા રોડ પર ચાર રસ્તા પાસે વોચમાં હતા ત્યારે આવેલી જીજે. ૧ર. ટી. ૮ર૬૩ નંબરવાળી ટ્રકને અટકાવીને ચેક કરતા તેમાંથી ર૦૦ નંગ કોલસાની બોરીઓ મળી હતી. જેની કિં.રૂા.ર૦૦ એક બોરીની અંકોને કુલ ૪૦,૦૦૦નો શંકાસ્પદ કોલસો પોલીસે સીઆરપીસીની કલમ ૪૧(૧)(ડી) મુજબ કબજે કર્યો હતો. તેમજ ટ્રકની કિં.રૂા.૩ લાખ આંકીને કુલ્લ ૩.૪૦ લાખનો મુદ્દામાલ કબજે કરવામાં આવ્યો હતો. તો આગળની તપાસ ફોરેસ્ટ ડિપાર્ટમેન્ટ ચલાવી રહી છે. તો ટ્રક ચાલક તરીકે આમદ સુમરા (ઉ.વ.૪૦) (રહે. રતિયા તા.ભુજ)વાળાને ઝડપીને તેની પૂછતાછ હાથ ધરાઈ છે.