ઉપવાસમાં તંત્રની હેરાનગતિ મુદ્દે ખુલાસો માંગતી હાઇકોર્ટ

0
244

અમદાવાદ, તા.૩૧
પાટીદારોને અનામત અને રાજયના ખેડૂતોને દેવામાફીની માંગણી સાથે આમરણાંત ઉપવાસ પર ઉતરેલા હાર્દિક પટેલના શાંતિપૂર્ણ ઉપવાસ દરમ્યાન તંત્ર અને પોલીસ દ્વારા થઇ રહેલી હેરાનગતિ, દાદાગીરી અને રંજાડગતિને લઇ પાસના કન્વીરો તરફથી પાટીદાર અનામત આંદોલન સમિતિ દ્વારા ગુજરાત હાઇકોર્ટમાં કરાયેલી રિટ અરજીમાં ગુજરાત હાઇકોર્ટે રાજય સરકાર પાસેથી આ સમગ્ર મામલે ખુલાસો માંગ્યો છે. હાઇકોર્ટે અરજદારપક્ષ તરફથી અરજીમાં ઉઠાવાયેલા મુદ્દાઓ અનુસંધાનમાં જરૂરી સોગંદનામું રજૂ કરવા રાજય સરકારને હુકમ કર્યો છે. હાઇકોર્ટે સમગ્ર કેસની વધુ સુનાવણી તા.૪થી સપ્ટેમ્બર પર મુકરર કરી છે. મહત્વની એવી આ અરજીમાં પાસના કન્વીનરો તરફથી તંત્ર અને પોલીસ પર ગંભીર આરોપ લગાવાયા હતા કે, હાર્દિકને પોલીસ તંત્ર દ્વારા નજરકેદ કરાયો છે અને ઉપવાસના સ્થળે જીવનજરૂરી ચીજવસ્તુઓ પણ લઇ જવા દેવાતી નથી. પાટીદાર અનામત આંદોલન સમિતિ તરફથી કરાયેલી રિટ અરજીમાં એ મતલબના મુદ્દા ઉપÂસ્થત કરાયા હતા કે, પાસના કન્વીનર અને પાટીદાર યુવા નેતા હાર્દિક પટેલ દ્વારા પાટીદારોને અનામત અને રાજયના ખેડૂતોને દેવામાફીની માંગણી સાથે આમરણાંત ઉપવાસ ચાલી રહ્યા છે. હાર્દિક ખૂબ જ શાંતિપૂર્ણ રીતે આ ઉપવાસ આંદોલન ચલાવી રહ્યા છે, તેમછતાં પોલીસ અને તંત્ર દ્વારા હાર્દિકના ઉપવાસ સ્થળે તેને મળવા આવતા, તેની ખબર અંતર પૂછવા આવતા સગાવ્હાલા, પરિચિતો કે મિત્રવર્તુળ સહિતના તમામ લોકોને પોલીસ ખોટી રીતે આંતરીને હેરાન કરી રહી છે અને પોતાના અધિકાર કે સત્તા બહાર જઇ ગેરકાયદે રીતે મુલાકાતીઓને હાર્દિકને મળવાથી રોકી રહી છે. પોલીસ આ પ્રકારે હાર્દિકને મળવાથી કોઇને રોકી શકે નહી, કાયદામાં આવી કોઇ જાગવાઇ કે પોલીસને સત્તા પણ નથી. વળી, હાર્દિકના ઉપવાસ સ્થળે દૂધ, પીવાનું પાણી, શાકભાજી સહિતની જીવન જરૂરી ચીજવસ્તુઓ પણ લઇ જવા દેવામાં આવતી નથી. એટલું જ નહી, સીસીટીવીથી સજ્જ પોલીસ વાન અને ગાડીઓ મારફતે હાર્દિકના ઉપવાસ સ્થળ અને તેને મળવા આવતાં તમામ લોકોનુ મોનીટરીંગ કરાઇ રહ્યું છે, જે બિલકુલ ગેરકાયદે અને કાયદાના ભંગ સમાન છે. પોલીસ અને તંત્ર દ્વારા એક રીતે હાર્દિક પટેલને નજરકેદમાં રાખવામાં આવ્યો છે અને તેની એકેએક હરકત કે ગતિવિધિ પર ચાંપતી નજર રાખવામાં આવી રહી છે કે જયારે હાર્દિક પટેલ એક જાહેરહિતના હેતુ માટે ઉપવાસ પર બેઠા છે, નહી કે, પોતાના અંગત સ્વાર્થ કે હેતુ માટે. સરકાર, પોલીસ અને તંત્ર એકબીજાના મેળાપીપણામાં હાર્દિકના ઉપવાસ આંદોલનને સફળ નહી થવા દેવા માટે ગંભીર ષડયંત્ર રચી રહ્યા હોય તેવું આ બધી વાતો પરથી લાગી રહ્યું છે, આ સંજાગોમાં હાઇકોર્ટે સમગ્ર મામલામાં દરમ્યાનગીરી કરી સરકાર અને તંત્રને જરૂરી હુકમો કરવા જાઇએ. રિટ અરજીમાં હાર્દિકના ઉપવાસ સ્થળે તેને મળવા આવતા કોઇપણ લોકોને અટકાવાય નહી અને તેમને રોકાય નહી તેમ જ જીવન જરૂરી ચીજવસ્તુઓ લઇ જવાની પરવાનગી આપવા સહિતની દાદ માંગવામાં આવી હતી. આ કેસમાં આજે રાજય સરકારપક્ષ તરફથી એડવોકેટ જનરલ જાતે હાજર રહ્યા હતા અને સોંગદનામાં મારફતે સરકારનો બચાવ રજૂ કરવાની હિમાયત કરી હતી, જેને પગલે હાઇકોર્ટે તેમને તા.૪થી સપ્ટેમ્બર સુધીમાં જરૂરી સોગંદનામું રજૂ કરવા તાકીદ કરી હતી.

(સંપૂર્ણ સમાચાર સેવા)



જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
Mo. 9978406923
PRESS card આપવામાં આવશે

આવતી કાલના સમાચાર પત્રો ના સંભવિત સમાચાર આજે જ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861*

ગુજરાતના તમામ સ્થળે પ્રેસ પ્રતિનિધિ નિમવાના છે રસ ધરાવતા યુવક- યુવતીઓ સંપર્ક કરે. 7574888861

"વંદે માતરમ ,ભારત માતાકી જય"

LEAVE A REPLY