સુરત,તા.૧૫
ઓલપાડના ૨૦ હજાર લોકોના માથે મોતના રૂપમાં ભમતી હિન્દુસ્તાન કેમિકલ્સ કંપનીને કાયમી ધોરણે બંધ કરાવવાની માંગણી સાથે ખેડૂત સમાજ-ગુજરાતના પ્રતિનિધિ મંડળે કલેક્ટરને આવેદનપત્ર પાઠવીને કરી છે. જેમાં સમગ્ર ઘટનાની તપાસ ઊંડાણપૂર્વક થાય, જવાબદાર તમામ સામે કડક હાથે કામગીરી કરવામાં આવે તેવી માગણી કરાઈ છે.
ખેડૂત સમાજ-ગુજરાતના આગેવાન જયેશ પટેલે કહ્યું હતું કે, આ કંપનીનો ઝેરી રાસાયણિક સાઇનાઇડયુક્ત કચરાનો નિકાલ કરાતો હોવાનો પર્દાફાશ થયો છે. આ અંગે ભરૂચ પોલીસમાં ફરિયાદ પણ નોંધાઈ છે ત્યારે જવાબદાર તમામ સામે આઇપીસીની કલમ ૩૦૭ તેમજ ૧૨૦ મુજબ કામગીરી કરવામાં આવે તેવી ખેડૂત સમાજની માંગણી છે.
"વંદે માતરમ ,ભારત માતાકી જય"
