ભરૂચ,
તા.૧૭/૪/૨૦૧૮
ભરૂચના ભોલાવ વિસ્તારમાં આવેલ પાર્થનગર સોસાયટીના એક મકાનમાં તસ્કરો ત્રાટકી અને પતિ પત્નીને માર મારી સોનાના દાગીના અને રોકડ રકમ લઈ તસ્કરો ફરાર થતા ભારે ચકચાર મચી જવા પાઅમી હતી.
પ્રાપ્ત વિગત અનુસાર ભરૂચના ભોલાવ સી.એન.જી પંપના પાછળના ભાગે આવેલ પાર્થનગર સોસાયટીમાં રહેતા હર્ષદ પટેલ રાત્રીના સમયે તેમના મકાનમાં તેઓના પરીવાર સાથે સુતા હતા. દરમિયાન ત્રણ જેટલા અજાણ્યા તસ્કરોએ મકાનની બારીની ગ્રીલ તોડી મકાનની અંદર પ્રવેશ કરી હર્ષદ તેમજ તેના પરીવારના સભ્યોને મારમારી અંદાજીત રૂપિયા ૩૦ હજાર ઉપરાંતની મત્તા ઉપર હાથફેરો કરી પલાયન થઇ ગયા હતા.
સમગ્ર ઘટના થી હેબતાઇ ગયેલા હર્ષદ પટેલે આ અંગેની જાણ તા.૧૬મીના રોજ ભરૂચ શહેર સી-ડિવિઝન પોલીસ મથકે કરતા પોલીસે મામલાને ધ્યાન ઉપર લઇ અજાણ્યા તસ્કરો સામે ગુનો નોંધવાની તજવીજ હાથ ધરી હતી.
અત્રે ઉલ્લેખનીય છે કે મકાન માલિકના જણાવ્યા મુજબ ત્રણ જેટલા તસ્કરો આવ્યા હતા. જેમાં થી બે મકાન માં પ્રવેશ્યા હતા અન્ય એક મકાનની બહાર ઉભો હતો. તેઓ કાંઇ સમજે તે પહેલાજ તેમણે પરિવારને મારમારવાનું ચાલુ કરી તેમની પાસેના સોનાના દાગીના અને રોકડ લઈ પલાયન થઇ ગયા હતા.
"વંદે માતરમ ,ભારત માતાકી જય"
