ત્રિસ્તરીય સંસ્કૃત શિક્ષણ-વર્ગને સંતોના આશીર્વાદ સાથે આરંભ કરાયો. સંસ્કૃતભારતી દ્વારા (01) ભાષા-બોધન-વર્ગ (02) શિબિર-ચાલન-વર્ગ (03) સંસ્કૃત-કુટુંબ-વર્ગ આવાસીય વર્ગો આજથી પ્રારંભ
દર વર્ષની જેમ આ વર્ષે પણ તારીખ 19 થી 30 મે 2018 દરમિયાન સંસ્કૃતભારતી શિક્ષાવર્ગ ધ્રાંગધ્રામાં આયોજીન થયેલ છે. ઉનાળાની કાળઝાળ ગરમીમાં સંસ્કૃત-સાધના માટે લગભગ 346 સંસ્કૃત સાધકો ઉપસ્થિત રહ્યાં છે. પવિત્ર પુરુષોત્તમ માસમાં ધ્રાંગધ્રાની તપોભૂમિ શ્રી સ્વામિનારાયણ ગુરુકુળ સંસ્કાર-ધામની પાવન ધરા ખાતે આજે ઉદ્ઘાટન કરવામાં આવ્યું
આજે 20 મેં રવિવારના રોજ પૂજ્ય શ્રી ભજનપ્રકાશ સ્વામી, પૂજ્ય શ્રી માધવ પ્રિયદાસ સ્વામી અને સ્વામી શ્રી પૂજ્ય ધર્માનંદ મહારાજ વગેરે સંતોના અમૃત આશીર્વચનોથી સંસ્કૃત શિક્ષણના મહાયજ્ઞનો શુભારંભ થયો છે. આ ઉદ્ધાટન પ્રસંગે સંસ્કૃતભારતીના ગુજરાત રાજ્યના પ્રદેશ અધ્યક્ષ માન્ય. ડૉ. કૃષ્ણપ્રસાદ નિરૌલાજી તથા પ્રાંતમંત્રી જયશંકર રાવળ વિશેષ ઉપસ્થિતિ રહ્યા હતા.
આ ખૂલ્લા મુકાયેલા શિક્ષાવર્ગમાં અખંડ સંસ્કૃત વાતાવરણ હોય છે. વ્યક્તિ સવાર થી રાત્રી દરમિયાન આખો દિવસ તમામ પ્રકારની પ્રવૃત્તિઓ સંસ્કૃત ભાષામાં જ કરે છે. આ વર્ગમાં સંભાષણ શિબિર, ગણ-કાર્ય, સ્વાધ્યાય કાર્ય, દ્રઢિકરણ, ભાષાક્રિડા, બૌદ્ધિકો, ગીતાભ્યાસ, ચર્ચા ગોષ્ઠિ, અનૌપચારિક કાર્યક્રમો, સંસ્કૃત નાટકો, સંસ્કૃત સંવાદોની સાથે સાથે પ્રદર્શનો અને સાહિત્યના માધ્યમથી આ વિશેષ કાર્યશાળાને સંસ્કૃત સંવાદશાળા બનાવવામાં આવે છે.
જે વ્યક્તિઓ નવેસરથી સંસ્કૃત શીખવાનો શોખ ધરાવે છે તેવા સાધકો માટે ભાષા-બોધન-વર્ગ છે. આ વર્ગમાં સંસ્કૃત સંભાષણ કૌશલ શીખવવામાં આવશે. અર્થાત્ સંસ્કૃત ભાષા બોલતા શીખવવામાં આવે છે. અને માત્ર અગ્યાર દિવસના પ્રશિક્ષણના અંતે શિક્ષાર્થી કડકડાત સંસ્કૃત બોલતા શીખી જાય છે. સંસ્કૃતભારતીનો સંસ્કૃત સંભાષણ શિબિર (દરરોજ બે ક્લાક દશ દિવસ) એ નિરંતર ચાલતો કાર્યક્રમ છે. આ શિબિરમાં પ્રશિક્ષણ આપવા માટે શિબિર સંચાલક શિક્ષકો તૈયાર કરવા માટે શિબિર સંચાલક વર્ગનું પણ આયોજન કરવામાં આવ્યું છે. તદુપરાંત સંસ્કૃત પરિવાર બનાવવા માટે કુટુંબ વર્ગનું પણ આયોજન કરવામાં આવ્યું છે. આ શિક્ષાવર્ગમાં પ્રાંત અધિકારીઓનું સતત માર્ગદર્શન મળતું હોય છે. તથા આ વર્ગમાં અખિલ ભારતીય મંત્રી નંદકુમારજી તથા ક્ષેત્ર સંગઠનમંત્રી શિરીષ ભેડસગાવસકરની વિશેષ ઉપસ્થિતિ રહેશે.
રિપોર્ટર : દિપકસિંહ વાઘેલા
લીંબડી.
"વંદે માતરમ ,ભારત માતાકી જય"
