મુંબઈ,
તા.૭/૪/૨૦૧૮
બસ કે ટ્રેન જેવા જાહેર ૫રિવહનના વાહનોમાં વસ્તુઓ ભૂલાઇ જવી સામાન્ય બાબત છે. ૫રંતુ આવી રીતે ભૂલાયેલી વસ્તુઓ ભાગ્યે જ કોઇને ફરી વખત હાથ લાગતી હોય છે. તેવામાં આ વસ્તુનું મૂલ્ય બે-પાંચ હજાર રૂપિયા નહીં, ૫રંતુ ૨૫ કરોડ રૂપિયા હોય તો ! આવું જ કંઇક બન્યુ હતું મુંબઇની લોકલ ટ્રેનમાં. એક શખ્સ રૂ.૨૫ કરોડની રકમના ચેક ભરેલી થેલી ટ્રેનમાં ભૂલી ગયો હતો. જા કે બાદમાં તંત્રની મદદથી આ થેલી ૫રત મળતા તેણે હાશકારો અનુભવ્યો હતો.
મુંબઇ મધ્ય રેલવેની દાદર આર.પી.એફ. ચોકી ખાતે ગત મંગળવારે સાંજે કલ્યાણના રહેવાસી રાજારામ મોરે નામના એક શખ્સે આવીને જણાવ્યુ હતું કે, તે પોતાના ચેક ભરેલી પ્લાસ્ટીકની એક થેલી ફાસ્ટટ્રેનમાં ભૂલી ગયા છે. પ્રથમ તો સુરક્ષા એજન્સીએ આ વાતને હળવાશથી લીધી હતી. ૫રંતુ જ્યારે એવું જાણવા મળ્યુ કે, પ્લાસ્ટીકની આ થેલીમાં રૂ.૨૫ કરોડના મૂલ્યના ૯૮૨ નંગ ચેક હતાં ત્યારે તંત્ર સજાગ બની ગયું હતું. જા કે તંત્રએ કંટ્રોલરૂમની મદદથી દાદર રેલવે સ્ટેશન ખાતે ૫હોંચેલી ટ્રેનમાંથી પ્લાસ્ટીકની આ થેલી શોધી કાઢી હતી.
મુંબઇના રેલવે સ્ટેશન ખાતે બનેલી આવી જ બીજી એક ઘટનામાં કચરો વિણવાવાળા એક વ્યક્તિએ રૂ.૩૨ હજારની રકમ તેના મૂળ માલિક એવી મહિલાને ૫રત કર્યાની વાત ૫ણ બહાર આવી છે. થાણે રેલવે સ્ટેશનના ટ્રેક ઉ૫ર કચરો વિણતા વિશ્વજીત ગુપ્તા નામના એક શખ્સને મહિલાનું ૫ર્સ મળ્યું હતું. જેમાં રૂ.૨ હજારની કિંમતની ૧૬ ચલણી નોટ તેમજ ક્રેડિટ અને ડેબિટ કાર્ડ વગેરે હતાં. તેણે જઇને આ બેગ સ્ટેશન માસ્તરને ૫હોંચાડીને પ્રમાણિકતાનું ઉદાહરણ પુરૂ પાડ્યું હતું. આકાંક્ષા નામની એક મહિલાનું પોતાના આખા માસના ૫ગારની રકમ ભરેલુ આ બેગ ટ્રેનમાંથી નીચે ઉતરતી વખતે ૫ડી ગયું હતું. જે ૫રત મળતા તેણીએ ઇમાનદાર વિશ્વજીતને રૂ.૫૦૦ ઇનામ આપ્યુ હતું.
"વંદે માતરમ ,ભારત માતાકી જય"
