ગ્રાઉન્ડ છીનવાઈ જવા પર હાર્દિક બોલ્યો,ગાડીઓ ઉપર બેસીને ઉપવાસ કરીશું
દ્વારકા,તા.૯
બુધવારે જસદણના મોટા દડવા ગામેથી વિજયસંકલ્પ યાત્રા નીકળી હતી જે રાત્રે દ્વારકા પહોંચી હતી. આજે ગુરૂવારે હાર્દિક પટેલે દ્વારકાધીશને ૫૨ ગજની ધ્વજા ચઢાવી વિજય સંકલ્પ યાત્રાને વિરામ આપ્યો હતો. હાર્દિકે જણાવ્યું હતું કે, સરકાર કહે છે કે અમે અંગ્રેજ છીએ તો મેં કહ્યું હું ભગતસિંહ છું. અમદાવાદ મ્યુનિસિપલ કોર્પોરેશને ફ્રી પાર્કિંગની જાહેરાત કરવા અંગે હાર્દિકે ટિપ્પણી કરી હતી કે અમે ગાડીઓ ઉપર બેસીને ઉપવાસ કરીશું. આવું કરીને સરકારે અમારી પાર્કિંગની મુશ્કેલી દૂર કરી નાખી છે.
હાર્દિકે વધુમાં જણાવ્યું હતું કે, સમાજના હક્ક માટે સંઘર્ષના રસ્તે ચાલીએ છીએ. કાયદાકીય પ્રક્રિયાને માન આપું છું. ૨૫ તારીખે અમદાવાદમાં અમરણાંત ઉપવાસ આંદોલન કરવાનો છું. સૌ સાથે મળીને આવો. કારણ કે જેલમાં હું જાવ છું, કેસ હું સહન કરૂ છું, સરકાર અને પોલીસ સામે હું લડું છું, ભુખ્યો હું રહેવાનો છું આથી તમે લોકોએ સહકાર આપવામાં કોઇ કચાશ ન રાખવી જોઇએ. લડવા અને મરવા હું તૈયાર છું માત્ર તમારા સાથ અને સહકારની જરૂર છે. અમે લોકો કાલે શુક્રવારે નવી રણનીતિ સાથે જઇ રહ્યા છીએ. અમદાવાદમાં જોઇએ કોના બાપની તાકાત છે કે અમારા કાર્યક્રમને રોકી બતાવે. એએમસીએ દબાણ હટાવ ઝુંબેશ બાબતે જણાવ્યું હતું કે, સારી બાબત છે હવે અમે ગાડી પર બેસી ઉપવાસ કરીશું. કોઇ ઝંઝટ જ નહીં રહે.
(જી.એન.એસ)
જંગ એ ગુજરાત અખબાર
૧૫ મી ઓગસ્ટ ના રોજ ૧૫ માં વર્ષ માં આપ સૌ ના આશીર્વાદ થી પ્રવેશે છે.🎂
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
Mo. 9978406923
PRESS card આપવામાં આવશે
"વંદે માતરમ ,ભારત માતાકી જય"
