ગત વર્ષે નેપાળના કાઠમાંડૂમાં વિમાન દુર્ઘટના ઘટી હતી જેમાં ૫૧ લોકોના મોત થયા હતા
કાઠમાંડૂ,તા.૨૮
ગત વર્ષે નેપાળના પાટનગર કાઠમાંડુમાં વિમાન દુર્ઘટના થઇ હતી. આ દુર્ઘટનામાં યુએસ બાંગ્લા એરલાઇન્સ વિમાન ક્રેશ થયું હતું. આ ઘટના ગત માર્ચમાં થઇ હતી. જા કે આ ઘટના અંગે એક મહત્વનો ખુલાસો થયો છે. મીડિયાના રિપોટ્ર્સ મુજબ, આ દુર્ઘટાનાનું મુખ્ય કારણ એ છે કે, પાયલટ કેબિનમાં સ્મોકિંગ કરી રહ્યો હતો. આ વાતની પુષ્ટિ અધિકારીઓએ કરી છે.
આ વાતનો ખુલાસો ફ્લાઇટના કોકપિટ વોઇસ રેકોર્ડર દ્વારા થયો છે. કોકપિટ વોઇસ રેકોર્ડર મારફતે અધિકારીઓને જાણ થઇ કે, ફ્લાઇટનો પાયલટ વિમાનનાં કેબિનમાં જ સ્મોકિંગ કરી રહ્યો હતો.
હકીકતમાં સંબંધિત વિભાગ અને અધિકારીઓને આ વાત અંગે શંકા હતી કે, સાચે સુરક્ષાના નિયમોના ઉલ્લંઘનને કારણે ફ્લાઇટ ક્રેશ થઇ હતી? આવામાં આ વાતની પુષ્ટિ કરવા માટે અને દુર્ધટનાના કારણોની જાણ માટે એક દુર્ઘટના તપાસ આગોયનું ગઠન કરવામાં આવ્યું હતું. દુર્ઘટના તપાસ આયોગે જણાવ્યું હતું કે, આ દુર્ઘટના કેબિન ક્રૂની ભૂલને કારણે બની છે. જા ક્રૂએ આ બેદરકારી ન કરી હોત તો આ દુર્ઘટના ન થઇ હોત.
કાઠમાંડુમાં આ દુર્ઘટના ૧૨ માર્ચ ૨૦૧૮ના રોજ થઇ હતી, જેમાં લગભગ ૫૧ લોકોના મોત થયા હતા. આ ૫૧ લોકોમાં ૪ ક્રૂ મેમ્બર્સ પણ સામેલ હતા. ફ્લાઇટે બાંગ્લાદેશથી ઢાકા જવા ઉડાન ભરી હતી. જ્યારે વિમાન કાઠમાંડુ ત્રિભુવન ઇન્ટરનેશનલ એરપોર્ટ પર પહોંચ્યું ત્યારે તે રનવે પરથી બહાર નીકળી ગયું હતું અને એક ફુટબોલ ગ્રાઉન્ડમાં ક્રેશ થયું હતી. જેથી વિમાનમાં આગ લાગી હતી.
"વંદે માતરમ ,ભારત માતાકી જય"
