કોલંબો,તા.૨૭
શ્રીલંકામાં રવિવારે થયેલા આતંકવાદી હુમલા બાદ પોલીસ વધુ સતર્ક બની છે અને અલગ અલગ સ્થળે તપાસ હાથ ધરતાં તેમને એક ઘરમાંથી ૧૫ મૃતદેહ મળી આવ્યા હતા. જેમાંથી ત્રણ મૃતદેહ સંદિગ્ધ આતંકવાદીના હોય તેવી દહેશત છે.
વધુ એકવખત કલમુનાઇમાં ત્રણ બ્લાસ્ટે આખા શ્રીલંકાને હચમચાવી નાખ્યું છે. પોલીસનું કહેવું છે કે આ ઘટના પરથી એમ લાગી રહ્યું છે કે કેટલાક આતંકવાદીઓ વિસ્ફોટકની મદદથી મોતને ભેટ્યા. શ્રીલંકાના પૂર્વીય કાંઠા વિસ્તારમાં શુક્રવારે આખી રાત ગોળીબારી ચાલી હતી.
પોલીસ પ્રવક્તાએ જણાવ્યું કે, એક ઘરમાં આતંકવાદીઓ છૂપાયા હોવાની માહિતી મળ્યા બાદ પોલીસે તે ઘર પર દરોડા પાડ્યા હતા. પોલીસ ઘરની નજીક ગઈ કે તરત જ આતંકવાદીઓએ પોલીસ પર ગોળીબાર શરૂ કરી દીધો હતો. જવાબી કાર્યવાહીમાં પોલીસે ગોળીબાર કર્યો હતો. આ ઓપરેશનમાં ૧૫ લોકોના મોત નીપજ્યા છે. મૃતકોમાં છ બાળકોનો પણ સમાવેશ થાય છે.
લશ્કરના એક પ્રવક્તાએ પોલીસ અને આતંકવાદીઓ વચ્ચે અથડામણ થઈ હોવાની વાતને સમર્થન આપ્યું હતું. શુક્રવારે લશ્કરના જવાનો અને શંકાસ્પદ આતંકવાદીઓ વચ્ચે અથડામણ શરૂ થઈ ગઈ હતી. બાટિકાલોઓ શહેરના દક્ષિણ વિસ્તારમાં થયેલી આ અથડામણમાં સંદિગ્ધ આતંકવાદીઓ માર્યા ગયા હતા.
પ્રવક્તા સુમિત અટ્ટાપટ્ટુએ જણાવ્યું હતું કે ‘પોલીસ આતંકવાદીઓ છૂપાયા હતા તે ઘર તરફ આગળ વધી રહી હતી ત્યારે આતંકવાદીઓએ તેમના પર અંધાધૂંધ ગોળીબાર કર્યા હતા. ત્રણ વિસ્ફોટક ધમાકાઓ સાથે ગોળીબારી કરવામાં આવ્યો હતો.
"વંદે માતરમ ,ભારત માતાકી જય"
