એસોસિએશન ઓફ હેલ્થકેર પ્રોવાઇડર્સ(ઇન્ડિયા)એ આયુષ્માન ઇન્ડિયાના સીઇઓ ઈન્દુ ભૂષણને પત્ર મોકલ્યો
ન્યુ દિલ્હી,તા.૨
મોદી સરકારની મહત્વાકાંક્ષી યોજના ‘આયુષ્યમાન ભારત’ સામાન્ય લોકો માટે ભલે લાભદાયક હોઇ શકે છે, પરંતુ આ યોજનાથી ઘણી મોટી ખાનગી હોસ્પિટલો ખુશ નથી. ફોર્ટિસ, એપોલો, મેદાંતા, નારાયણા હેલ્થ જેવી મોટી હોસ્પિટલોનું કહેવું છે કે આ યોજના હેઠળ સારવાર માટે જેટલી રકમ નક્કી કરવામાં આવી છે. તેમાં સારવાર આપવી શક્ય નથી. આ માટે, એસોસિએશન ઓફ હેલ્થકેર પ્રોવાઇડર્સ (ઇન્ડિયા)એ આયુષ્માન ઇન્ડિયાના સીઇઓ ઈન્દુ ભૂષણને પત્ર મોકલ્યો છે.
તો બીજી બાજુ, નક્કી કરાયેલી રકમ અંગે ભૂષણે કહ્યુ કે રકમ રાષ્ટ્રીય સ્તરે ભલે નક્કી કરવામાં આવી છે પરંતુ રાજ્યોને ૧૦ ટકા જેટલો ફેરફાર કરવાની મંજૂરી છે. જેથી હવે આવી કોઇ સમસ્યા ઉભી ન થવી જાઇએ. આ સાથે નીતિ આયોગ સભ્ય ડો.વી.કે પોલે જણાવ્યું કે આ યોજના મુખ્યત્વે નાના નગરો માટે છે. અને તેથી ખાનગી હોસ્પિટલો સારી સારવારને લઈને તેમના બીલમાં કાપ કરવી જાઈએ.
જા કે, ખાનગી હોસ્પિટલોનું કહેવું છે કે સારી સેવાઓ પૂરી પાડવા માટે પૈસા ખર્ચવા પડશે. નારાયણા સ્વાસ્થ્યના અધ્યક્ષ ડા. દેવી શેટ્ટીએ જણાવ્યું હતું કે દર નક્કી કરવા માટે એક સ્વતંત્ર એજન્સીની સ્થાપના કરવી જાઈએ. સૂત્રોના જણાવ્યા મુજબ, દરમાં આવતા દિવસોમાં કેટલાક દરમાં ફેરફાર પણ કરવામાં આવશે. પરંતુ આ માટે, ખાનગી હોસ્પિટલોએ નક્કર પક્ષ બનાવવો પડશે. જણાવી દઇએ કે મોદીની સરકારની આ યોજનાને મોદી કેર નામ આપવામાં આવ્યું છે. તેનાથી ૫૦ મિલિયન લોકોને ફાયદો થશે. તેમાં ૧૦.૭૪ કરોડ વંચિત કુટુંબોને આવરી લેવામાં આવશે અને પરિવાર દીઠ રૂ.૫ લાખ સુધીની આરોગ્ય કવર આપવામાં આવશે.
(જી.એન.એસ)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
Mo. 9978406923
"વંદે માતરમ ,ભારત માતાકી જય"
