અમદાવાદ,
તા.૨૧/૪/૨૦૧૮
લોકોની સહનશક્તિ ઘટી રહી હોય તેમ પૂર્વ વિસ્તારમાં એક જ અઠવાડિયામાં આત્મહત્યા કે આપઘાતની પ્રયાસની ત્રીજી ઘટના બની છે. હવે, ઘોડાસરમાં પ્રેમી યુગલે ગળાફાંસો ખાઈ જીવન ટૂંકાવી લીધું છે. યુવક-યુવતીએ મૃત્યુ પહેલાં લખેલી મનાતી સ્યુસાઈડ નોટમાં ‘આપણા સંબંધ લગ્નમાં નહીં પરિણમે’ તેવું લખાણ મળ્યું છે.
અમદાવાદ ના ઘોડાસર વાંદરવટ તળાવ પાસે રાજીવનગરમા પ્રેમીયુગલે ગળેફાંસો ખાઈ આત્મહત્યા કરી લીધી હતી. સંજય નામના ૨૩ વર્ષના યુવક અને વંદના નામની ૨૨ વર્ષની યુવતીએ ગળાફાંસો ખાઈ જીવન ટૂંકાવી લીધું હતું. સંજય પાસી વટવા વિસ્તારના ખેતરમાં રહેતો હતો અને અભ્યાસ કરતો હતો. જ્યારે, વંદના નોકરી કરીને પરિવારને આર્થિક રીતે મદદરૂપ બનતી હતી. બન્નેની આંખો મળી જતાં પ્રેમ થયો હતો. પણ, લગ્ન શક્્ય ન હોવાનું જણાતાં બન્ને સંજયના મોટાભાઈના ઘરે પહોંચ્યા હતા.
સાંજે સંજયના મોટાભાઈએ ઘરે આવ્યા હતા. તેમણે જાયું તો અંદરના રૂમમાં સંજય અને વંદના ગળાફાંસો ખાધેલી હાલતમાં મળી આવ્યાં હતાં. ‘આપણા સંબંધ લગ્નમાં નહીં પરિણમે’ એવા લખાણવાળી એક ચિઠ્ઠી મળી આવી છે. બનાવીને જાણ થતાં પોલીસે સ્થળ ઉપર પહોંચી તપાસ શરૂ કરી છે. પ્રેમસંબંધમાં હતાશાથી તરૂણ-તરૂણીએ આપઘાતનો પ્રયાસ કર્યા પછી બીજા યુગલે જીવન ટૂંકાવ્યાની ઘટનાએ ચર્ચા જગાવી છે.
"વંદે માતરમ ,ભારત માતાકી જય"
