વાશિંગ્ટન,તા.૩૦
આતંકવાદી પ્રવૃત્તિઓને સતત પ્રોત્સાહન આપી રહેલા પાકિસ્તાનને અમેરિકાએ ફરી કડક શબ્દોમાં સંદેશો આપ્યો છે કે તેઓ તરત જ તેની સામે કોઈ કાર્યવાહી કરે. એટલું જ નહીં, આતંકવાદ વિરુદ્ધ કાર્યવાહી કરી રહેલા ભારતના કાર્યની અમેરિકાએ પ્રશંસા કરી અને કહ્યું કે તેઓ અમારી સાથે મજબૂતી સાથે ઉભા છે. અમેરિકાએ ફરી વારંવાર કહ્યું કે આતંકવાદી સંગઠનો અથવા કોઈપણ આતંકી વિરુદ્ધ કાર્યવાહીમાં તેઓ ભારત સાથે છે.
ભારત અને અમેરિકા વચ્ચે આ વાત કાઉન્ટર ટેરરીઝમ જાઇન્ટ ગ્રુપની એક બેઠકમાં થઈ હતી. બંને બાજુના અધિકારીઓ વચ્ચે આ મીટિંગ ૨૯ માર્ચે વોશિંગ્ટનમાં થઇ હતી. આ તે ગ્રુપની છઠ્ઠી બેઠક હતી. તેમાં ભારતીય ટીમનું નેતૃત્વ વિદેશ મંત્રાલયના જાઇન્ટ સેક્રેટરી મહાવીર સિંઘવીએ કર્યું હતું. બેઠક પછી નિવેદનમાં કહેવામાં આવ્યું કે ભારત અને અમેરિકા બંને દેશોનું માનવું છે કે પાકિસ્તાન આતંકવાદીઓ અને આતંકવાદી સંગઠનોને રોકવા માટે નક્કર, અપરિવર્તનીય અને વિશ્વાસપાત્ર પગલાં લે. ભારત જે રીતે કાઉન્ટર ટેરરીઝમની સામે પગલાં ઉઠાવી રહ્યું છે તે ચોક્કસ પ્રશંસનીય છે.બેઠકમાં કયા આતંકવાદી સંગઠનોનો ઉલ્લેખ થયો છે તે હજુ જાણી શકાયું નથી. પરંતુ તેમાં મસૂદ અઝહર અને તેના આતંકી સંગઠન જૈશ એ મોહમ્મદનું નામ પણ સામેલ હોઈ શકે છે. વાસ્તવમાં, ભારત મસૂદને વૈશ્વિક આતંકી ઘોષિત કરવાની માંગ કરી રહ્યું છે પરંતુ ચીન દ્વારા વારંવાર તેમાં વિરોધ મુકવામાં આવે છે. પરંતુ હવે અમેરિકા સાથે ફ્રાન્સ, જર્મની જેવા દેશો પણ ભારતની સાથે છે અને મસૂદને વૈશ્વિક સ્તર પર બ્લેકલિસ્ટ કરવા માટે પ્રયાસો કરી રહ્યા છે. પાકિસ્તાન પર પુલવામામાં થયેલા આતંકવાદી હુમલા પછી દબાણ વધ્યુ છે.
"વંદે માતરમ ,ભારત માતાકી જય"
