ભરુચ,
તા.૧૪/૪/૨૦૧૮
દ્રી ચક્રી વાહન ચલાવનાર તમામ પોલીસ કર્મચારીઓને હેલમેટ ફરજિયાત પહેરવાનો ભરૂચ જિલ્લા પોલીસ વડા દ્વારા આદેશ જારી કરવામાં આવ્યો છે. આ અંગેની તમામ જવાબદારી ડીવાયએસપી કક્ષાના અધિકારીને સોંપવામાં આવતો એક પરીપત્ર જારી કરવામાં આવ્યો છે. ભરૂચ જિલ્લાના પોલીસતંત્રમાં ૨૦૦૦ જેટલા પોલીસ કર્મીઓ ફરજ બજાવે છે. આ કર્મચારીઓ પૈકી જેમની પાસે દ્રી ચક્રી વાહન હશે તેમણે ફરજિયાત હેલમેટ પહેરવા પડશે. આ પરિપત્રના અમલની જવાબદારી પોલીસ સ્ટેશનના અધિકારીને સોંપવામાં આવી છે અને ડીવાયએસપી કક્ષાએથી તેનું મોનીટરીંગ કરવામાં આવશે.
ભરૂચ શહેર તથા જિલ્લામાં ફરજ બજાવતાં અને દ્વીચક્રી વાહનો ધરાવતા પોલીસ કર્મચારીઓ તથા કલેરીકલ સ્ટાફે પણ સોમવારથી ફરજિયાત હેલમેટ પહેરવાનો રહેશે. હેલમેટ નહિ પહેરનારાઓ સામે દંડનીય પગલા ભરવાનો આદેશ ડીએસપીએ આપી દીધો છે. પોલીસ કર્મચારીઓ આદેશનો અમલ કરે છે કે નહિ તે જાવાની જવાબદારી ડીવાયએસપી કક્ષાના અધિકારીઓના શીરે નાંખવામાં આવી છે. ભરૂચ એસપી સંદિપસંગે જિલ્લાના પોલીસતંત્રમાં ફરજ બજાવતાં અને દ્વીચક્રી વાહન ધરાવતાં પોલીસ કર્મચારીઓ તથા કલેરીકલ સ્ટાફ માટે સોમવારથી હેલમેટ પહેરવો ફરજિયાત બનાવી દીધો છે. પહેલા પોલીસ કર્મચારીઓ જાતે કાયદાનું પાલન કરે અને ત્યારબાદ સામાન્ય નાગરિકો પાસે તેનું પાલન કરાવવામાં આવે તેવો અભિગમ અપનાવવામાં આવ્યો છે.
જિલ્લાના દરેક પોલીસ સ્ટેશનમાં પરિપત્ર મોકલી આપવામાં આવ્યો છે અને તેના સુપરવિઝનની જવાબદારી ડીવાયએસપીને સોંપવામાં આવી છે. પોલીસ તથા કલેરીકલ કર્મચારીઓને ટુ વ્હીલર ચલાવતી વેળા હેલમેટ પહેરવાના પરિપત્ર અંગે તમામ પોલીસ સ્ટેશનોમાં જાણ કરી દેવામાં આવી છે. આ પરિપત્રની નકલ નોટીસ બોર્ડ પર મુકવામાં આવશે તથા રોલકોલ દરમિયાન તેની જાણકારી પણ આપવામાં આવશે. તેનો સોમવારથી અમલ કરવામાં આવશે અને હેલમેટ નહિ પહેરનારાઓ સામે દંડનીય કાર્યવાહી થશે.
"વંદે માતરમ ,ભારત માતાકી જય"
