મુંબઈ,તા.૨૮
શ્રદ્ધા કપૂરનું નામ તેના કેટલાક કો-સ્ટાર્સની સાથે જોડાયું છે. બોલિવૂડમાં સામાન્ય રીતે દરેક એક્ટ્રેસે આવી સ્થિતિ નો સામનો કરવો પડે છે. ‘આશિકી ૨’ની સક્સેસ બાદ આદિત્ય રોય કપૂર સાથેના તેના રોમાન્સની ચર્ચા થવા લાગી હતી. જોકે, એ કહેવાતા સંબંધોનો અંત આવ્યો હતો. તેમની છેલ્લી મૂવી ‘ઓકે જાનૂ’ કોઈ મેજિક ક્રિએટ કરી નહોતી શકી. બાદમા ફરહાન અખ્તરની સાથે તેનું નામ જોડવામાં આવ્યું હતું. બલકે, તે ફરહાનની સાથે રહેવા પણ જતી રહી હતી. જેની સાથે તેના ડેડી શક્તિ કપૂરે સખત વાંધો ઉઠાવ્યો હતો.
જોકે, ‘રોક ઓન ૨’ ફ્લોપ ગયા બાદ તેમના સંબંધોમાં ટેન્શન ક્રિએટ થયું હતું. આ બધા વચ્ચે દિલ તૂટી જતાં શ્રદ્ધા હજી સુધી અપસેટ હોય એમ જણાય છે. તેની ફિલ્મ ‘સ્ત્રી’નું ટ્રેલર લોન્ચ કરવાની ઇવેન્ટમાં આ ફિલ્મની ટીમે તેમને સૌથી વધુ દુઃખ થયું હોય એવી બાબતો વિશે વાત કરી હતી. એ સમયે શ્રદ્ધાએ કહ્યું હતું કે, ‘દિલનું તૂટવું એ ખૂબ ખૂબ જ દુઃખદ હોય છે.’ સોશિયલ મીડિયા યૂઝર્સ માની રહ્યા છે કે, તેણે ફરહાન અખ્તરના સંબંધમાં જ આ વાત કહી હતી.
(જી.એન.એસ)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
Mo. 9978406923
PRESS card આપવામાં આવશે
"વંદે માતરમ ,ભારત માતાકી જય"
