વોશિંગ્ટન,તા.૫
અમેરિકાએ આંતકવાદ સામે યોગ્ય કાર્યવાહી કરવા માટે પાકિસ્તાન પર ફરીથી દબાણ કર્યુ છે. ટ્ર્મ્પ પ્રશાસને નેશનલ સ્ટ્રેટેજી ફોર કાઉન્ટર ટેરરિઝમ હેઠળ પાકિસ્તાની સંગઠનો લશ્કર-એ-તૈયબા અને તહરીક-એ-તાલિબાન પાકિસ્તાનને અમેરિકા માટે ખતરારૂપ ગણાવ્યાં છે. આ બન્ને સંગઠનોને બોકો હરામની શ્રેણીમાં રાખવામાં આવ્યા છે.
એક રિપોર્ટ અનુસાર બોકો હરામ, લશ્કર-એ-તૈયબા અને તહરીક-એ-તાલિબાન પાકિસ્તાન જેવા સંગઠનો સ્થાનીક સરકાર અને પ્રશાસનને નબળુ પાડવા કાર્યરત રહે છે અને આ સંગઠનો દ્વારા ભવિષ્યમાં મોટા હુમલાઓની આશંકાને નકારી શકાય એમ નથી. આંતકી સંગઠનો સામે પાકિસ્તાનને કડક કાર્યવાહી કરવા માટે આ સપ્તાહમાં પાકિસ્તાનના વિદેશ મંત્રી મહમૂદ કુરેશી સાથે ટ્રમ્પ પ્રશાસને બેઠક પણ યોજી હતી.
આ મુદ્દે અમેરિકાએ વર્ષની શરૂઆતથી પાકિસ્તાન સાથે આંતકવાદીઓ વિરૂદ્ધ કાર્યવાહી કરવા માટે અને સુરક્ષા સહાયતા રોકવા માટે મહત્વની ચર્ચા કરી હતી. બીજી ઓક્ટોબરે કુરેશીએ અમેરિકાના રાષ્ટ્રીય સુરક્ષા સલાહકાર જાન બોલ્ટન અને વિદેશ મંત્રી માઇક પોમ્પિયો સાથે મહત્વની મુલાકાત કરી હતી.
બેઠક મામલે બોલ્ટને નિવેદન આપતા જણાવ્યું કે થોડા સપ્તાહ પહેલા માઇક પોમ્પિયોની પાકિસ્તાનની મુલાકાત પછી અમેરિકાનું માનવુ છે કે અમેરિકાને પાકિસ્તાનની નવી સરકારથી ઘણી આશાઓ છે. નવી સરકાર સાથે અમેરિકા નવી શરૂઆત કરશે અને આગળ વધશે.
(જી.એન.એસ)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
MO. 9978406923
PRESS CARD આપવામાં આવશે.
આવતી કાલના સમાચાર પત્રો ના સંભવિત સમાચાર આજેજ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861
"વંદે માતરમ ,ભારત માતાકી જય"
