ન્યુ દિલ્હી,તા.૨૩
બોર્ડર સિક્યોરિટી ફોર્સના ચાર અધિકારીઓએ ત્રિપુરામાં ભારત બાંગ્લાદેશ સરહદ સ્થિત ઝીરો પોઇન્ટ પર ૩૧ રોહિંગ્યાઓની ધરપકડ કરી છે. આ તમામ ગત ચાર દિવસોથી ઘૂષણખોરી કરવાનો પ્રયત્ન કરી રહ્યા હતા. ધરપકડ બાદ બીએસએફે આ તમામને અગરતલામાં અમતાલી પોલીસને સોંપી દીધા હતા. ૩૧ રોહિંગ્યામાં ૯ મહિલા અને ૧૬ બાળકો પણ સામેલ છે.
નોર્થ ત્રિપુરા જિલ્લાના પોલીસ વડા ભાનુપાડા ચક્રવર્તીના જણાવ્યા પ્રમાણે, આસામ પોલીસે ૩૧ રોહિંગ્યા મુસ્લિમોની ધરપકડ કરી છે. આ તમામની ચુરાઇબારીમાં ગુવાહાટી જઇ રહેલી બસમાંથી ધરપકડ કરાઇ હતી. આસામ પોલીસની વતી તેમણે જણાવ્યું હતું કે, ૩૧ રોહિંગ્યામાં ૧૬બાળકો પણ સામેલ છે આ તમામની ધરપકડ કરવામાં આવી છે.
અધિકારીઓએ જણાવ્યું હતું કે, આ તમામની મેડિકલ તપાસ કરવામાં આવી હતી અને ત્યારબાદ તેમને ત્રિપુરાની કોર્ટમાં હાજર કરવામાં આવ્યા હતા. કોર્ટે તેમને ૧૪ દિવસની ન્યાયીક કસ્ટડીમાં મોકલી દીધા છે. બીએસએફના ડેપ્યુટી ઇન્સપેક્ટર બ્રિજેશ કુમારે જણાવ્યું હતું કે, અમે આ મામલે બાંગ્લાદેશ બોર્ડર ગાર્ડ(બીજીબી)ને આ અંગે વાત કરી હતી અને તેમને રોહિંગ્યાને બાંગ્લાદેશ પરત મોકલવાની ભલામણ પણ કરી હતી. જા કે તેમણે અમારી વાત નકારી હતી. તેથી અમે રોંહિંગ્યાને પોલીસને સોંપી દીધા હતા.
નવી દિલ્હીના અધિકારીઓએ જણાવ્યું હતું કે, બીએસએફે ગૃહ મંત્રાલયને રિપોર્ટ આપી દીધો છે. અધિકારીઓએ જણાવ્યું હતું કે, પ્રાપ્ત માહિતી મુજબ એવું લાગી રહ્યું છે કે આ તમામ જમ્મુ કાશ્મીરની બોર્ડર પરથી ભારતમાં પ્રવેશ્યા હતા. જાકે સાચી હકીકત તપાસ પૂરી થયા બાદ જણાવી શકાશે. તેમણે જણાવ્યું હતું કે, બીએસએફ તેમને પાણી, જમવાનું અને બીજી અન્ય જરૂરી વસ્તુઓ પૂરી પાડી હતી.
"વંદે માતરમ ,ભારત માતાકી જય"
