અલીગઢ,તા.૨૪
લોકસભા ચૂંટણીના પરિણામો આવી ચુકવ્યા છે. અલીગઢથી ૨,૨૯,૨૬૧ મતથી જીત અપાવનાર ભાજપના ઉમેદવાર અને હાલના સાંસદ સતીશ ગૌતમે પત્રકાર સાથેની વાતચીત દરમિયાન એક વખત ફરીથી અલીગઢ મુસ્લિમ યુનિવર્સિટીમાં ઝીણાની તસવીરનો મુદ્દો ઉઠાવ્યો છે. તેમણે કહ્યું કે હવે આ દેશમાં ઝીણા શોધવાથી પણ નહીં મળે, સીધા પાકિસ્તાન જશે. અલીગઢ મુસ્લિમ યુનિવર્સિટીમાં ઝીણાની જે તસવીર છે તે એએમયુની માનસિકતા દર્શાવે છે.
ગત વર્ષે મે મહિનાની આસપાસ જ શરૂ થયેલો ‘ઝીણા વિવાદ’ ખુબ ચર્ચામાં રહ્યો હતો. અલીગઢ મુસ્લિમ યુનિવર્સિટી (એએમયુ)માં ઝીણાની તસવીરને લઇને શરૂ થયેલો વિવાદ કેન્દ્ર સરકાર સુધી પહોંચ્યો હતો. આ વિવાદની શરૂઆત ત્યારે થઇ જ્યારે અલીગઢના સાંસદ સતીશ ગૌતમે એએમયુમાં પાકિસ્તાનના સ્થાપક મોહમ્મદ અલી ઝીણાની તસવીરનો મુદ્દો ઉઠાવતા યુનિવર્સિટીના વીસી તારિક મંસૂરને પત્ર લખી પૂછ્યું હતું કે યુનિવર્સિટીમાં ઝીણાની તસવીર શા માટે મૂકવામાં આવી છે?
ત્યારબાદ આ વિવાદ વધ્યો અને ઝીણાની તસવીર લગાવાને લઇને યુનિવર્સિટીમાં તોડફોડ, આગ ચાંપવાની ઘટના અને ખૂબ હોબાળો થયો હતો. યુનિવર્સિટીની પરીક્ષા પણ ટાળવામાં આવી હતી. ઉપરાંત વિવિધ રાજકીય પક્ષોના નેતાઓ વચ્ચે પણ વિવાદ શરૂ થયો હતો.
ગુરુવારે ચૂંટણી પરિણામ બાદ સતીશ ગૌતમે કહ્યું કે એએમયુમાંથી ‘ઝીણા માનસિકતા’ દૂર કરવી પડશે. યુનિવર્સિટીમાં એસ.સી.-એસટી અને ઓબીસી વર્ગના વિદ્યાર્થીઓને રક્ષણ મળશે અને તમામનું એડમિશન કરવામાં આવશે.
"વંદે માતરમ ,ભારત માતાકી જય"
