ન્યુ દિલ્હી,તા.૧૭
એમેઝોન ડોટ કોમ ઈન્ક.ના સંસ્થાપક જેફ બેજાસ આધુનિક ઈતિહાસના સૌથી અમીર અને ધનાઢ્ય વ્યક્તિ બની ગયા છે. તેમની કુલ સંપત્તિ ૧૫૦ અબજ ડોલરને વટાવી ગઈ છે.
દુનિયાના સૌથી ધનાઢ્ય વ્યક્તિ અને માઈક્રોસોફ્ટ કોર્પોરેશનના સહસંસ્થાપક બિલ ગેટ્સથી તેમની સંપત્તિ ૫૫ અબજ ડોલર વધુ છે. બ્લૂમબર્ગ બિલિયોનિયર્સ ઈન્ડેક્સ અનુસાર ૫૪ વર્ષની વયે જેફ બેજાસ આગળ નીકળી ગયા છે.
બિલ ગેટ્સની સંપત્તિ વર્ષ ૧૯૯૯માં થોડા સમય માટે ૧૦૦ અબજ ડોલરના આંકડાને વટાવી ગઈ હતી. જા તેને મોંઘવારીના આંક સાથે મેચ કરીને જાવામાં આવે તો તેમની સંપત્તિ ૧૪૯ અબજ ડોલર હશે. આ રીતે એમેઝોનના સીઈઓ જેફ બેજાસ ઓછામાં ઓછા ૧૯૮૨થી અત્યાર સુધીના ઈતિહાસમાં દુનિયાના સૌથી વધુ ધનાઢ્ય વ્યક્તિ બની ગયા છે.
૧૯૮૨થી ફોર્બ્સે દર વર્ષે ધનાઢ્ય લોકોની યાદી પ્રસિદ્ધ કરવાનું શરૂ કર્યું હતું. બ્લૂમબર્ગ ઈન્ડેક્સ અનુસાર જેફ બેજાસ બાદ બિલ ગેટ્સ ૯૫.૫ અબજ ડોલર સાથે બીજા ક્રમે અને વોરેન બફેટ ૮૩ અબજ ડોલરની સંપત્તિ સાથે ત્રીજા સ્થાને છે, જોકે એ પણ હકીકત છે કે બિલ ગેટ્સે પોતાની સંપત્તિનો મોટો હિસ્સો બિલ એન્ડ મેલિન્ડા ગેટ્સ ફાઉન્ડેશનને દાન કર્યો ન હોત તો તેમની સંપત્તિ પણ ૧૫૦ અબજ ડોલરથી વધુ હોત.
(જી.એન.એસ)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
Mo. 9978406923
PRESS card આપવામાં આવશે
"વંદે માતરમ ,ભારત માતાકી જય"
