ઉત્તરપ્રદેશ વિધાનસભા પછી કર્ણાટક વિધાનસભામાં ધારાસભ્યોનો ઉપદ્રવ
બેંગ્લુરુ,તા.૬
ઉત્તરપ્રદેશ વિધાનસભામાં બીજેપી સરકાર વિરુદ્ધ સપા-બસપા અને કોંગ્રેસે હંગામો કરતા કાગળના ગોળા ઉડાવ્યા હતા, ત્યાં બુધવારે કર્ણાટક વિધાનસભામાં ભારે હંગામો જાવા મળ્યો હતો. બીજેપીના ધારાસભ્યો દ્વારા રાજ્યપાલના ભાષણમાં ભારે શોર-બકોર કરવામાં આવ્યો હતો.
કર્ણાટક વિધાનસભાના પહેલા દિવસે વિપક્ષ દળ બીજેપીએ વેલમાં ઘૂસીને એટલી દહ સુધી શોર-બકોર કર્યો કે, સંયુક્ત અધિવેશનને સંબોધિત કરી રહેલ રાજ્યપાલ વજૂ ભાઇ વાળાએ તેમનું ભાષણ અડધેથી જ રોકવું પડ્યું હતું.
વિધાનસભા દરમિયાન બીજેપી ધારાસભ્યોએ હંગામો મચાવી ‘રાજ્યપાલ પાછા જાઓ અહીંની સરકાર બહુમતમાં નથી’ના નારા લગાવ્યા હતા.
આ ધમાલ વચ્ચે વિધાનસભાની બહાર એક યાદી ફરી રહી હતી, માનવામાં આવે છે યાદી એ ધારાસભ્યોની હતી જે પાર્ટી છોડી ભાજપામાં જાડાયા હતા. જા કે કોંગ્રેસ ધારાસભ્ય દળના નેતા સિદ્ધારમૈયાએ આ બાબતને નકારતા જણાવ્યું કે, કોઇએ પણ કોંગ્રેસ છોડી નથી.
આગામી લોકસભા ચૂંટણીને ધ્યાનમાં રાખીને ધારાસભ્યોમાં પક્ષ પલટોની નીતિ જાવા મળે છે. પરંતુ યાદીમાં સામેલ કેટલાક ધારાસભ્યો વિધાનસભામાં જોવા મળ્યા હતા. આ યાદીમાં ચાર એવા ધારાસભ્યો પણ હતા જેમને કોંગ્રેસ પાર્ટીએ કારણ બતાવોની નોટિસ આપી હતી. યાદીમાં કોંગ્રેસ ધારાસભ્ય ગણેશનું નામ પણ હતું જે હત્યાના પ્રયત્ન મામલે ફરાર છે.
કર્ણાટકની રાજનીતિની પરિસ્થિતિ મુજબ જો ભાજપાને લાગતુ હોય કે વર્તમાન સરકાર બહુમતમાં નથી તો તેની વિરુદ્ધ અવિશ્વાસનો પ્રસ્તાવ કેમ નથી લાવતી. આ મામલે બીજેપીના વરિષ્ઠ નેતા શ્રીરામલુએ જણાવ્યું કે, પાર્ટી હજુ સુધી કોઇ ચોક્કસ નિર્ણય પર પહોંચી નથી.
"વંદે માતરમ ,ભારત માતાકી જય"
