બારડોલી ખાતે રમતગમત વિભાગ દ્વારા વાર્ષિક આયોજન અને જિલ્લામાં કલામહાકુંભના આયોજન અંગે બેઠક યોજાઈ

0
50

સુરત, ગુરૂવાર: રાજ્યના કલા અને સાંસ્કૃતિક વારસાને જીવંત રાખતા કલાકારોને પ્રોત્સાહન મળે તે આશયથી ગત વર્ષે રાજ્યમાં યોજાયેલા પ્રથમ કલા મહાકુંભની સફળતા બાદ આ વર્ષે પણ કમિશ્નરશ્રી, યુવક સેવા અને સાંસ્કૃતિક પ્રવૃત્તિ, ગાંધીનગર દ્વારા આગામી ૧૬ જુલાઈથી તબક્કાવાર કલા મહાકુંભનું આયોજન કરવામાં આવ્યું છે, ત્યારે રમતગમત અધિકારીની કચેરી, સુરત ગ્રામ્ય દ્વારા બારડોલીની અસ્તાન કન્યા વિદ્યાલયના સભાગૃહમાં વાર્ષિક આયોજન અને કલામહાકુંભની સ્પર્ધાઓના આયોજન અંગે બેઠક યોજાઈ હતી.

બેઠકમાં કલા મહાકુંભમાં વધુને વધુ શાળાઓ અને કલાપ્રેમી વિદ્યાર્થીઓ ભાગ લે તેવું આયોજન કરવા વિચાર વિમર્શ કરવામાં આવ્યો હતો. આ વર્ષે કલા મહાકુંભમાં સમુહ લગ્ન ગીત, ફટાણા, કુચિપુડી, સરોદ, સારંગી, જોડીયા પાવા, રાવણ હથ્થો, ભવાઈનો પણ નવી કળાઓમાં સમાવેશ કરાયો છે. વળી, આ વર્ષે કલા મહાકુંભમાં વિવિધ વય જુથના કલાકારો માટે ૨૨ જેટલી સ્પર્ધાઓનું આયોજન તાલુકા, જિલ્લા, રિજનલ અને રાજ્ય કક્ષાએ કરવામાં આવ્યું છે.

રમતગમત અધિકારીની કચેરી, સુરત ગ્રામ્યના અધિકારીશ્રી વિરલ પટેલે આ વર્ષે સરકાર દ્વારા કલાકારોને સુવિધા માટે ઓનલાઈન અને ઓફલાઈન રજિસ્ટ્રેશનની સુવિધા રાખવામાં આવી હોવાનું જણાવી ગત વર્ષે કલા મહાકુંભમાં ત્રણ વય જૂથ સામેલ હતા, જેમાં ફેરફાર કરી આ વર્ષે ૬ થી ૧૪, ૧૫ થી ૨૦, ૨૧ થી ૫૯ અને ૬૦ વર્ષથી ઉપરની વય જૂથ એમ ચાર કેટેગરી રાખવામાં આવી હોવાની વિગતો આપી હતી. મહત્વની વાત એ છે ૬૦ વર્ષથી ઉપરના વયજૂથની સ્પર્ધા માત્ર રાજ્યકક્ષાએ રાખવામાં આવી છે, જેમાં ફકત વ્યક્તિગત કૃતિઓનો સમાવેશ કરવામાં આવશે. ગત વર્ષે સ્પર્ધાઓમાં આ વર્ષે વધુ ૭ કઓ ઉમેરવામાં આવી છે.

સ્પર્ધામાં ભાગ લેવા માટે તા.૧ થી ૧૫ જુલાઈ સુધી રજિસ્ટ્રેશન કરી શકાશે. તા.૧૬ થી ૨૨ જુલાઈ તાલુકા કક્ષાની ઈવેન્ટ તથા તા.૧૭ જુલાઈથી ૫ ઓગસ્ટ જિલ્લાકક્ષાની ઈવેન્ટ તેમજ તા.૮ થી ૧૯ ઓગસ્ટ પ્રદેશકક્ષાની ઈવેન્ટ અને તા.૪ થી ૧૦ સપ્ટેમ્બર રાજ્યકક્ષાની ઈવેન્ટ યોજાશે.

બેઠકમાં રમતગમત વિભાગના અધિકારીઓ, જિલ્લાની પ્રાથમિક-માધ્યમિક શાળાના આચાર્યશ્રીઓ, શિક્ષકો, કેળવણી નિરીક્ષકો, ઝોન/તાલુકાના કન્વીનરો, કલાસંસ્થાઓના પ્રતિનિધિઓ ઉપસ્થિત રહ્યા હતા.

જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
Mo. 9978406923
PRESS card આપવામાં આવશે         

ગુજરાતના તમામ સ્થળે પ્રેસ પ્રતિનિધિ નિમવાના છે રસ ધરાવતા યુવક- યુવતીઓ સંપર્ક કરે. 7574888861

"વંદે માતરમ ,ભારત માતાકી જય"

LEAVE A REPLY