ન્યૂયોર્ક,તા.૩૧
દુનિયાની સૌથી મોટી સોફ્ટવેર કંપની ગૂગલ યૌન શોષણના મામલાઓથી બાકાત નથી રહી. ગૂગલના ૨૦૦થી વધારે કર્મચારીઓ યૌન શોષણ મામલાઓ વિરૂદ્ધ પ્રદર્શન કરશે. તેમનું આ પ્રદર્શન કંપનીના રક્ષણાત્મક વલણ સામે છે જે કંપનીએ તેના ઉચ્ચ કર્મચારી માટે અપનાવ્યું હોવાનું માનવામાં આવે છે. ‘ફાધર ઓફ એન્ડ્રોઇડ’ તરીકે ઓળખાતા એન્ડી રૂબિન સામે યૌન શોષણના આરોપ લગાવામાં આવ્યા હતા.
કર્મચારીઓ દ્વારા ગુરૂવારે પ્રદર્શન કરવાની જાહેરાત એવા સમયે કરવામાં આવી છે, જ્યારે ખુલાસો થયો હતો કે ગૂગલે વિતેલા બે વર્ષમાં યૌન શોષણ મામલે ૪૮ લોકોને કંપનીમાંથી બરતરફ કર્યા હતા. ગૂગલના સીઇઓ સુંદર પિચઇ તથા પીપલ ઓપરેશન વીપી ઇલિન નોટન દ્વારા કર્મચારીઓને મોકલવામાં આવેલા ઇ-મેલ મુજબ, બરતરફ કરાયેલા લોકોમાં ૧૩ સીનિયર મેનેજર હતા.
એક રિપોર્ટ મુજબ યૌન શોષણના આરોપ હોવા છતા રૂબિનને નવ કરોડ ડોલરનું એક્ઝિટ પેકેજ આપવામાં આવ્યું હતું. જેના પછી ગૂગલના સીઇઓએ કર્મચારીઓને ૪૮ લોકોને કંપનીમાંથી બરતરફ કર્યા હોવાનો ખુલાસો કર્યો હતો. કંપનીએ જણાવ્યું કે સીનિયર કર્મચારીઓ દ્વારા આચરવામાં આવેલા દુરવ્યવહાર સામે કડક વલણ અપનાવામાં આવ્યુ છે અને કોઇ પણ કર્મચારી પોતાની ઓળખાણ છુપાવીને ફરિયાદ નોંધાવી શકે છે.
(જી.એન.એસ)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
MO. 9978406923
PRESS CARD આપવામાં આવશે.
આવતી કાલના સમાચાર પત્રો ના સંભવિત સમાચાર આજેજ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861
"વંદે માતરમ ,ભારત માતાકી જય"
