ગીજા પિરામિડ પાસે પર્યટક બસ પર આતંકી હુમલા પછી સરકારે અભિયાન ચલાવ્યું
કૈરો,તા.૨૯
મિસ્ર પોલીસે શનિવાર સવારે હાથ ધરેલા અલગ-અલગ અભિયાનોમાં ૪૦ આતંકીઓને ઠાર કર્યા હોવાનો દાવો કર્યો હતો. મિસ્રની સરકાર દ્વારા માહિતી આપવામાં આવી હતી કે, પોલીસે આ અભિયાન ગીજાના પિરામિડો પાસે રોડ કિનારે એક પર્યટક બસમાં કરાયેલ એક બોમ્બ વિસ્ફોટમાં વિયતનામના ૩ પર્યટકો અને તેમના ગાઇડની મોત થયા પછી ચલાવ્યા હતા.
મિસ્ર સરકાર તરફથી જાહેર કરાયેલ નિવેદનમાં જણાવવામાં આવ્યું હતું કે, ગીજામાં આતંકી હુમલા પછી બે અલગ જગ્યાઓ પર જવાબી કાર્યવાહી કરતા ૩૦ આતંકીઓનો ઠાર કર્યા હતા., જ્યારે અશાંત વિસ્તાર ઉત્તર સિનાયમાં ૧૦ આતંકીઓનો ખાત્મો કરાયો હતો. નિવેદનમાં એ વાતની ચેતવણી પણ અપાઇ હતી કે, પોલીસ કાર્યવાહી પછી સક્રિય બનેલ આતંકીઓ પર્યટન સ્થળો અને ચર્ચો પર શ્રેણીબંધ હુમલા કરી શકે છે.
ઉલ્લેખનીય છે કે, શુક્રવારે ગીજામાં પર્યટકોની એક બસ રોડ પર કરાયેલ બોમ્બ વિસ્ફોટની ઝપેટમાં આવી હતી, જેમાં વિયતનામના ૩ પર્યટકો સહિત તેમના સ્થાનિક ગાઇડની મોત થઇ હતી. અન્ય ૧૦ ઇજા પામ્યા હતા.
ભારતે પણ મિસ્રમાં કરાયેલ આતંકી હુમલાની નિંદા કરતા તેને કાયરતા ગણાવી હતી. ભારતે આતંકવાર વિરુદ્ધની લડાઇમાં મિસ્રને સાથ આપવાનું આશ્વાસન આપ્યું હતું. વિતેલા એક વર્ષમાં આ પહેલો હુમલો એવો છે જેમાં વિદેશી પર્યટકોને નિશાનો બનાવવામાં આવ્યા હતા.
"વંદે માતરમ ,ભારત માતાકી જય"
