વોશિંગ્ટન,તા.૮
અમેરિકાના પ્રેસિડેન્ટ ડોનાલ્ડ ટ્રમ્પ અને ઉત્તર કોરિયાના સુપ્રીમ લીડર કિમ જાંગ વચ્ચે આગામી સપ્તાહમાં સિંગાપુરમાં ઐતિહાસિક મુલાકાત યોજાશે. આ ઐતિહાસિક બેઠક પહેલાં ડોનાલ્ડ ટ્રમ્પે જણાવ્યું કે, કિમ જાંગ ઉન સાથે તેમની મુલાકાતની તૈયારીઓ પુરી કરી લેવામાં આવી છે.ડોનાલ્ડ ટ્રમ્પે કહ્યુ કે, ૧૨ જૂનના રોજ સિંગાપુરમાં કિમ જાંગ સાથે યોજાનારી મુલાકત માત્ર ફોટા પડાવવા પુરતી મર્યાદિત નથી, પરંતુ આ મુલાકાત વિશેષ મહત્વ ધરાવે છે.
સિંગાપુરમાં આગામી મંગળવારે યોજાનારી ઐતિહાસિક સમિટ માટે પ્રવાસી ટાપુ સેન્ટોસાના એક વિશેષ સ્થળને પસંદ કરવામાં આવ્યું છે. મળતી માહિતી મુજબ આ મુલાકાતના કવરેજ માટે વિશ્વભરના ૨૫૦૦થી વધુ પત્રકારો આવશે. જોકે, શરુઆતમાં એ અંગે અનિશ્ચિતતા હતી કે મંત્રણાનું આયોજન ક્્યાં કરવું?
ડોનાલ્ડ ટ્રમ્પે અમેરિકામાં ઓવલ ઓફિસમાં પત્રકારોને જણાવ્યું કે, ‘હું માનું છું કે હું આ મુલાકાત માટે સંપૂર્ણપણે તૈયાર છું. મને નથી લાગતું કે મારે વધારે કોઈ તૈયારીની જરુર. હું લાંબા સમયથી આ સંવાદ માટે તૈયાર છું’.
વધુમાં ટ્રમ્પે કિમ જાંગના સંદર્ભમાં જણાવ્યું કે, સામે પક્ષેથી પણ જણાવવામાં આવી રÌšં છે કે, તેઓ પણ મુલાકાત માટે ઘણા સમયથી તૈયાર છે. તેથી હવે વિશેષ કોઈ તૈયારીનો પ્રશ્ન જ નથી. પરંતુ પ્રશ્ન એ છે કે, મુલાકાત કેટલી સકારાત્મક રહેશે.
(જી.એન.એસ)
"વંદે માતરમ ,ભારત માતાકી જય"
