પટના,તા.૨
ભાજપ અને નીતિશ કુમારની પાર્ટી જનતા દળ યુનાઈટેડ (જેડીયુ) વચ્ચે આગામી લોકસભા ચૂંટણીમાં સીટોની વહેંચણી મામલે વિવાદ સર્જાયો છે. જેના કારણે બંને પાર્ટીઓ વચ્ચેના ગઠબંધનમાં પણ તિરાડ પડી શકે છે એવી ભીતિ સૂત્રોએ વ્યક્ત કરી છે.
ભાજપની સીટોની વહેંચણીની જે ફોર્મ્યુલા અગાઉ નક્કી કરાઇ હતી તેનાથી બિહાર સીએમ નીતિશ કુમાર નારાજ છે અને તેથી તેઓ એનડીએથી અલગ થઈ શકે છે એવી શક્્યતા સૂત્રોએ જણાવી છે.
સીટ શેરિંગ ફોર્મ્યુલા પછી બિહારમાં ભાજપના ખાતામાં ૪૦માંથી ૨૦ સીટો આવી, જ્યારે જેડીયુને ૧૨ સીટો, રામવિલાસ પાસવાનની એલજેપી પાર્ટીને છ સીટો અને ઉપેન્દ્ર કુશવાહાની આરએલએસપી પાર્ટીને બે સીટો ફાળવાઈ છે. ભાજપની સીટોની વહેંચણીની આ ફોર્મ્યુલા જેડીયુને પસંદ નથી.
જેડીયુ અને ભાજપ વચ્ચે અગાઉ એવું નક્કી થયું હતું કે લોકસભા ચૂંટણીમાં બંને પાર્ટીઓ સમાન સંખ્યામાં સીટો પર ચૂંટણી લડશે પરંતુ ૨૦-૧૨ની ફોર્મ્યુલાથી હવે જેડીયુ નારાજ છે.
જા કે જેડીયુ નેતા કે. સી. ત્યાગીએ આ અંગે ઈનકાર કર્યો હતો અને કહ્યું હતું કે હજુ સુધી આવી કોઈ વાત નક્કી થઈ શકી નથી. તેમણે કહ્યું હતું, ‘સીટોની વહેંચણી મુદ્દે ચર્ચા ચાલુ છે, ત્યારે આ આંકડાઓ આવ્યા ક્્યાંથી? જા કે આ આંકડાઓ સાચા હોય તો અમારા માટે સ્વીકાર્ય તો નથી જ.’
ઉત્તરપ્રદેશ અને બિહારની પેટાચૂંટણીમાં હાર અને ત્યારપછી કર્ણાટકમાં સરકાર બનાવવામાં ભાજપ નિષ્ફળ રહ્યા પછી જેડીયુને બિહારમાં લોકસભા ચૂંટણીમાં પોતાનો હિસ્સો વધારવા માટે પ્રોત્સાહન મળ્યું છે.
(જી.એન.એસ.)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
MO. 9978406923
PRESS CARD આપવામાં આવશે.
આવતી કાલના સમાચાર પત્રો ના સંભવિત સમાચાર આજેજ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861
"વંદે માતરમ ,ભારત માતાકી જય"
