લૂઆન્ડા,તા.૨૫
લાંબી કવાયત પછી આફ્રિકાના અંગોલામાં પણ સમલૈંગિક સંબધોને કાયદેસરની માન્યતા આપવામાં આવી છે. સમલૈંગિક સંબધો આજે પણ કેટલાક દેશોમાં ગેરકાયદેસર છે અને તેને એક ગંભીર ગુનો ગણવામાં આવે છે.
Ìšમન રાઇટ્સ વોચ એજન્સીએ આ મામલે માહિતી આપતાં જણાવ્યું કે, અંગોલા સરકારે એવા કાયદાનું ઘડતર કર્યું છે, જે લોકોની સાથે લૈંગિક આકર્ષણના આધારે ભેદભાવ પર અંકુશ લગાવશે.
માહિતી મુજબ જે લોકો આ સમલૈંગિક સંબધો વિરુદ્ધ પક્ષપાત રાખી નોકરી આપવા સામે વાંધો ઉઠાવશે, તેમને કાયદા હેઠળ બે વર્ષની જેલ પણ થઇ શકશે.
નોંધનીય બાબત છે કે, ૧૯૭૫માં પોર્ટુગલથી આઝાદી મેળવ્યા પછી અંગોલા સરકારે પહેલી વાર ૨૩ જાન્યુઆરી ૨૦૧૯ના રોજ નવી દંડ સહિતા અપનાવી જેમાં સમલૈંગિક સંબધો વિરુદ્ધ જાગવાઇને હટાવવામાં આવી હતી. આ સાથે અંગોલા, આફ્રિકાના એ દેશોમાં સામેલ થઇ ગયું છે, જ્યાં સમલૈંગિક સંબધો કાયદેસરની માન્યતા પ્રાપ્ત છે.
"વંદે માતરમ ,ભારત માતાકી જય"
