મુંબઇ,તા.૧
ચૂંટણી પ્રચાર દરમિયાન તમે નેતાઓને અટપટા ભાષણો કરતા સાંભળ્યા હશે. આવું જ કંઈક મહારાષ્ટ્રમાં પણ થયું છે. સોલાપુરથી ભારતીય જનતા પાર્ટીના ઉમેદવાર ડો. જય સિદ્ધેશ્વર સ્વામીએ પણ આવું જ કંઈક વિવાદાસ્પદ નિવેદન આપ્યું છે જેથી તેઓ ચર્ચાનો વિષય બન્યા છે. સિદ્ધેશ્વર સ્વામીએ મતદાતાઓને કહ્યું કે, ‘ચૂંટણી વખતે જ રજાઓ પડશે, તેથી તમે કોઈ દેવ દર્શન માટે ના જતા રહેતા. કારણ કે, ભગવાન કંઈ તમારી સાથે વાત નહીં કરે, હું જ તમારો બોલતો-ચાલતો ભગવાન છું.’
ડો. જય સિદ્ધેશ્વર સ્વામીએ કહ્યું કે, ‘તમે ભગવાનના દર્શન કરવા માટે જશો તો તમને કંઈ પુણ્ય નહીં મળે, ભગવાન નહીં મળે, અને તમારે ખાલી હાથે જ પાછા ફરવું પડશે. તેમજ તમારા પૈસા પણ ખર્ચાઈ જશે. તેમજ તમારી સમસ્યાઓનું સમાધાન નહીં મળે એ તો અલગ.’
જય સિદ્દેશ્વર સ્વામી લિંગાયત સમાજનાં ધર્મગુરૂ છે અને પહેલી જ વખત ચૂંટણી લડી રહ્યા છે. ભાજપે તેમને કોંગ્રેસના વરિષ્ઠ નેતા સુશીલ કુમાર શિંદે વિરુદ્ધ મેદાનમાં ઉતાર્યા છે. દલિત નેતા પ્રકાશ આંબેડકર પણ આ જ સીટપરથી ચૂંટણી લડી રહ્યા છે. સ્વામીના આ વિવાદાસ્પદ નિવેદનને વિપક્ષોએ એક મુદ્દો બનાવીને ઉઠાવ્યો છે.
"વંદે માતરમ ,ભારત માતાકી જય"
