મુંબઈ,તા.૨૬
બોલિવૂડના સૌથી વધુ હેન્ડસમ ગણાતા અભિનેતા રિતિક રોશનના સંઘર્ષ અને કામિયાબીની વાતો એક આંતરરાષ્ટ્રીય કક્ષાના લેખક લખી રહ્યા હોવાની માહિતી મળી હતી.
આ પુસ્તક માત્ર રિતિક વિશે નથી, પરંતુ બાળપણમાં એક યા બીજી શારીરિક મર્યાદા ધરાવતી વિશ્વ વિભૂતિઓ વિશે છે. બેન બ્રુક્સ નામના લેખક આ પુસ્તકમાં પાશ્ચાત્ય શાસ્ત્રોક્ત સંગીતના લેજંડરી સંગીતકાર બીથોવન, ભૂતપૂર્વ અમેરિકી પ્રમુખ બરાક ઓબામા, ફ્રેન્ક ઓશિયન વગેરેની સાથે રિતિકની જીવનકથા પણ આ પુસ્તકમાં લખી રહ્યા છે.
નાનપણમાં રિતિક ખૂબજ ઓછું બોલતો કારણ કે એ તોતડો હતો. ઉપરાંત એની કરોડરજ્જુ વંકાયેલી હોવાથી એ સ્કોલીઓસીસ નામની બીમારીનો શિકાર બન્યો હતો. કુટુંબીજનોના પ્રોત્સાહન, દ્રઢ મનોબળ અને અથાક પુરુષાર્થ તેમજ વર્ક આઉટ દ્વારા એ શી રીતે આજના સ્થાને પહોંચ્યો એ તમામ વિગતો આ પુસ્તકમાં વાંચવા મળશે.
"વંદે માતરમ ,ભારત માતાકી જય"
