ઓસ્ટ્રેલિયા સરકાર શિવ-વિષ્ણુ મંદિરના કાયાકલ્પ માટે એક કરોડ રૂપિયા આપશે

0
50

મેલબર્ન,
ભારતની બહાર આવેલા હિન્દૂ મંદિરો માટે ‘અચ્છે દિન’ આવ્યાં છે. ગત રોજ વડાપ્રધાન મોદીએ મુÂસ્લમ દેશ અબૂધાબીમાં હિન્દૂ મંદિરનો શિલાન્યાસ કર્યો હતો. અને હવે ઓસ્ટ્રેલિયા Âસ્થત મંદિરના જિર્ણોદ્ધાર માટે સ્થાનિક સરકારે આર્થિક મદદની જાહેરાત કરી છે.ઓસ્ટ્રેલિયામાં રહેતા હિન્દૂ ધર્મના લોકો અને તેમની ધાર્મિક લાગણીને માન આપીને સ્થાનિક વિક્ટોરિયા સરકારે અહીંના પ્રાચીન શિવ-વિષ્ણુ મંદિરના જિર્ણોદ્ધાર કરવા માટે ૧ લાખ ૬૦ હજાર ઓસ્ટ્રેલિયન ડોલર (આશરે ૧ કરોડ રુપિયા) આપવાની જાહેરાત કરી છે. અહીંના કલ્ચર એન્ડ હેરિટેજ સેન્ટરને શિવ-વિષ્ણુ મંદિર તરીકે પણ ઓળખવામાં આવે છે. જેને વર્ષ ૧૯૯૪માં મંદિર તરીકે માન્યતા આપવામાં આવી હતી. આ મંદિરને પૃથ્વીના દક્ષિણ ગોળાર્ધમાં આવેલું સૌથી મોટું હિન્દૂ મંદિર પણ માનવામાં આવે છે.
વિક્ટોરિયા સરકારના બહુસંસ્કૃતિ મામલાના પ્રધાન રોબિન સ્કોટે મંદિરની મુલાકાત લઈ જણાવ્યું હતું કે, સ્થાનિક સરકાર હિન્દૂ સોસાયટી ઓફ વિક્ટોરિયાને મંદિરના જિર્ણોદ્ધાર માટે ૧ લાખ ૬૦ હજાર ડોલરનું (આશરે ૧ કરોડ રુપિયા) દાન કલ્ચર એન્ડ હેરિટેજ સેન્ટરને આપશે. રોબિન સ્કોટે જણાવ્યું કે, રાજ્ય સરકાર સમાજના દરેક વર્ગને પ્રોત્સાહન આપવા ઉત્સુક છે. જ્યાં વિક્ટોરિયાનો દરેક નાગરિક પોતાના વારસાની મર્યાદામાં રહીને તેની સંસ્કૃતિનું રક્ષણ કરી શકે અને લોકો સાથે તેનું આદાનપ્રદાન પણ કરી શકે.
આપને જણાવી દઈએ કે, ઓસ્ટ્રેલિયામાં હિન્દૂ ધર્મ ઘણો લોકપ્રિય થઈ રહ્યો છે. વિતેલા એક દાયકા દરમિયાન દક્ષિણ એશિયામાંથી આવેલા લોકોને કારણે હિન્દૂ ધર્મ ઘણો ફેલાઈ રહ્યો છે. વર્ષ ૨૦૧૬ની જનગણના મુજબ ઓસ્ટ્રેલિયામાં ૪ લાખ ૪૦ હજાર હિન્દૂઓ વસવાટ કરે છે, જે વર્ષ ૨૦૦૬ની હિન્દૂ જનસંખ્યા કરતાં ૧.૯ ટકા વધારે છે.

ગુજરાતના તમામ સ્થળે પ્રેસ પ્રતિનિધિ નિમવાના છે રસ ધરાવતા યુવક- યુવતીઓ સંપર્ક કરે. 7574888861

"વંદે માતરમ ,ભારત માતાકી જય"

LEAVE A REPLY