ટુમકુર,
તા.૫/૫/૨૦૧૮
કર્ણાટકમાં ચૂંટણીપ્રચાર તેજ,વડાપ્રધાને કોંગ્રેસ પર આકરા પ્રહારો કર્યા
કર્ણાટક વિધાનસભાની ચૂંટણીની ચૂંટણીને હવે ગણતરીના દિવસો બાકી છે ત્યાર ચૂંટણી પ્રચાર તેની ચરમસીમાએ છે. એકબીજા પર આક્ષેપ પ્રતિઆક્ષેપનો મારો રસપ્રદ બન્યો છે. વડાપ્રધાન નરેન્દ્ર મોદીએ આજે કર્ણાટકના ટુમકુરમાં ચૂંટણી સભાને સંબોધિત કરી હતી. રેલીમાં મોદીએ કોંગ્રેસની સાથો સાથ જેડીએ પર આકરા પ્રહાર કર્યા હતાં. આ સાથે જ વડાપ્રધાને જેડીએસ સાથે ભાજપના જાડાણી અટકળો પર પણ પૂર્ણવિરામ મુકી દીધું હતું.
વડાપ્રધાન નરેન્દ્ર મોદીએ કોંગ્રેસ ઉપરાંત નામ લીધા વગર રાહુલ ગાંધીની ટીકા કરતાં કહ્યું હતું કે, કોંગ્રેસ ઈંદિરા ગાંધીના સમયથી ગરીબ, ગરીબ કરતી આવી છે. લોકોને માત્ર મુર્ખ બનાવવા અને ચૂંટણીઓ જીતવા જ ગરીબની માળા જપે છે. કોંગ્રેસના લીડર કે જેમને લાલ મરચા કે લીલા મરચાની ખબર નથી, બટાટામાંથી સોનાની વાતો કરી રહ્યાં છે, તેઓ પણ આજે ખેડુતોની વાતો કરી રહ્યાં છે.
વડાપ્રધાને ભાષણની શરૂઆત કરતાં જ કહ્યું હતું કે, પીએમ બનતાની સાથે જ મને આ ધરતીને વંદન કરવાનું સૌભાગ્ય મળ્યું. ત્યાર બાદ તેમને કોંગ્રેસને આડેહાથ લેતા કહ્યું હતું કે, અમે કોંગ્રેસના પાપ ધોઈ રહ્યાં છીએ. કોંગ્રેસે એવી સરકાર ચલાવી જે આજે વિજળી માટે આ વિસ્તાર તરસી રહ્યો છે. આ વિસ્તારના વિકાસ માટે અમારી સરકારે મોટું અભિયાન ચલાવ્યું છે. આટલા વર્ષથી કોંગ્રેસ સરકારમાં હતી. તો તેણે કેમ કશું જ ના કર્યું અને દેશનો ખેડુત દેવા હેઠળ દબાયેલો જ રહ્યો. ખેડુતોએ આત્મહત્યા કરવી પડી. કોંગ્રેસે ખેડુતો માટે કંઈક કર્યું હોત તો મારા દેશનો ખેડુત માટીમાંથી સોનું પેદા કરી આપત.
મોદી ભાષણમાં કહ્યું હતું કે, ૩૦-૩૫ મહિનામાં અમારી સરકારે ૧ લાખ કરોડ રૂપિયાથી પણ વધારે ખર્ચ કરી ખેડુતો સુધી પાણી પહોંચાડ્યું. ભ્રષ્ટાચાર વિરૂદ્ધ મેં એક યુદ્ધ છેડ્યું છે. અમે આધાર સાથે ડાયરેક્ટ બેનિફિટ ટ્રાંસફર યોજના શરૂ કરી, અમે સીધા હકદાર લોકોના બેંક ખાતામાં પૈસા જમા કરાવવાનું શરૂ કરી દીધું. ખેડુતોના નામે રાજનીતિ કરનારી કોંગ્રેસને હું પુછવા માંગુ છું કે, હેમવતી નદીનું પાણી આપણા તુમરૂકના ખેડુતોને કેમ ન મળ્યું. અમે હેમવતી અને નેત્રાવતી નદીને જાડી ટુમકુર અને તેની આસપાસના ૮ જીલ્લાઓના ખેડુતો સુધી પાણી પહોંચાડીશું.
વડાપ્રધાન મોદીએ દેવગૌડા અને જેડીએસ પર નિશાન તાક્યું કહ્યું હતું કે, જ્યારે ૨૦૧૪માં લોકસભાની ચૂંટણી થઈ રહી હતી ત્યારે જેડીએસના નેતા અને ભૂતપૂર્વ વડાપ્રધાન એચ ડી દૈવગૌડાએ જાહેરાત કરી હતી કે મોદી જીતીને આવશે તો હું આત્મહત્યા કરી લઈશ. તેમ છતાં કર્ણાટકની ધરતી પર આવીને મેં કહ્યું હતું કે દેવગૌડાજી તમે આદણીય વ્યક્તિ છો. તમારે આત્મહત્યા કરવાની જરૂર નથી. તમે ૧૦૦ વર્ષના થાવ.
જેડીએસ મામલે મોદીએ કહ્યું હતું કે, તમામ સર્વેમાં જેડીએસ રાજ્યમાં ત્રીજા નંબરે પણ નથી આવી રહી. માટે તેને મત આપી પોતાનો મત ના બગાડો. માત્ર ભાજપ જ કોંગ્રેસને પરાજીત કરી શકે છે. જેડીએસ કોંગ્રેસને પરાજીત ન કરી શકે. કોંગ્રેસ અને જેડીએસની પડદા પાછળ સાંઠ-ગાંઠ છે. કોંગ્રેસના નેતા જેડીએસ સાથે મૈત્રી કરીને મેયર બની ચુક્્યો છે. જાકે પોતે પૂર્વ વડાપ્રધાન એચ ડી દેવગૌડાનું સન્માન પણ કરતા હોવાનું ટાંક્યું હતું.
કોંગ્રેસ પર પ્રહોર કરતા તેમણે જણાવ્યું કે, કોંગ્રેસ દરેક ચૂંટણીમાં ગરીબોના નામની માળા જપીને કોંગ્રેસ સત્તાનો ખેલ ખેલતી રહી છે. વર્ષોથી કોંગ્રેસ ગરીબ-ગરીબ બોલી રહી છે જા કે તેનાથી કંઇ થયું નથી. તે ભારતના ગરીબોની જીંદગી બદલવામાં નિષ્ફળ રહી છે. હવે તેમણે ગરીબ બોલવાનું બંધ કર્યું છે કારણકે લોકોએ ગરીબ પરીવારના સભ્યને વડાપ્રધાન બનાવ્યો છે.
મોદીએ કહ્યું કે, “તમને ક્્યારેય વિચાર આવ્યો છે કે કોંગ્રેસને ટિકિટની વહેંચણીમાં આટલો સમય કેમ લાગે છે? એટલા માટે, કારણકે તેમને ત્યાં ટિકિટ માટે ટેન્ડર સિસ્ટમ છે. ત્યાં સીએમ બનવા માટે પણ ટેન્ડર સિસ્ટમ છે. જે કોઇ દિલ્હીમાં સૌથી વધુ નાણા મોકલે છે તેને કોંગ્રેસમાં સીએમ પદ મળે છે.
"વંદે માતરમ ,ભારત માતાકી જય"
