આલિયા ભટ્ટે પોતાના મોંઘા પરિધાનોની લીલામી કરી ૪૦ પરિવારોના ઘરમાં વીજળી આપી

બોલીવૂડના હાલના કલાકારો કમાણી કરવાની સાથેસાથે સમાજને ઉપયોગી પણ થઇ રહ્યા છે.ઘણા ટોચના કલાકારો તો નોનપ્રોફિટ સંસ્થા સાથે જોડાયા છે અને ઉમદા કામ કરી રહ્યા છે. આલિયાએ પણ હાલમાં આવી જ એક સમાજસેવા કરી છે. તાજેતરમાં આલિયાએ પોતાના વોર્ડરોબના મોંઘામોઘા ડિઝાઇનર ડ્રેસની લીલામી કરી હતી. જેના દ્વારા તે ઘણી કમાણી કરી હતી.આ રૃપિયા તેણે લોકોના ભલા માટે વાપર્યા છે. આલિયાએ કર્ણાટકના મંડયા જિલ્લાના કિકેરી ગામના પરિવારોના ઘરમાં વીજળી આપવાના ખર્ચા માટે વાપર્યા છે. આલિયાએ પોતાના ડ્રેસીસના લીલામીમાંથી મેળવેલા રૃપિયા એક સંસ્થાને આપ્યા છે.આ સંસ્થા ખરાબ પ્લાસ્ટિકની બોટલોને રિસાઇકલ કરીને સૌર ઊર્જા બનાવે છે અને તે આ સૌર ઊર્જા એ પરિવારોને આપે છે જેમને વીજળીની તાકીદે જરૃર હોય. બેગલુરુની સંસ્થા ‘અરોહા એ આલિયાને આ કામમાં મદદ કરી છે. આલિયા નાની વયમાં કારકિર્દીમાં હરણફાળ ભરવાની સાથેસાથે સમાજસેવા કરી રહી છે તેનાથી લોકોના વધુ દિલ જીતી લેશે.