વાશિંગ્ટન,તા.૧૫
ગુજરાતના મૂળ વડોદરાના અને હાલ અમેરિકામાં ખગોળશાસ્ત્રી તરીકે કામગીરી કરી રહેલા ડો. કરણ જાનીને એટલાન્ટામાં ગરબામાંના આયોજનમાં પ્રવેશ કરતા રોકવામાં આવ્યા હતા. ડો. કરણ જાનીએ આક્ષેપ કર્યો છે કે એટલાન્ટામાં તેમને અને ત્રણ મિત્રોને એટલા માટે પ્રવેશ કરવા ના દેવાયો કારણ કે તેમની અટક (લાસ્ટ નેમ) ‘હિન્દુ’ જેવું નથી.
કરણે તેના ફેસબુક તેમજ ટ્વીટર એકાઉન્ટ પર આ અનુભવ વિશે વિસ્તૃત વાત કરી છે. ડો. જાનીના જણાવ્યા મુજબ તેઓ યુએસમાં આ સ્થળે છેલ્લા છ વર્ષથી નિયમિત રીતે ગરબા રમવા આવે છે. આ અગાઉ તેમને કિયારેય કોઈ કડવો અનુભવ નથી થયો. કરણે જણાવ્યું કે આયોજકો સાથે તેમણે ગુજરાતીમાં વાત કરવાનો પ્રયાસ પણ કર્યો પરંતુ કોઈ માનવા તૈયાર જ નહતું.
કરણે એક વીડિયો ટ્વીટ કર્યો છે જેમાં જણાવ્યું કે, ‘એટલાન્ટા સ્થિત શકિત મંદિરમાં ગરબા રમતોત્સવના આયોજકોએ મને તેમજ મારા મિત્રોને ફક્ત એટલા માટે અંદર પ્રવેશા ના દીધા કરાણ કે અમારા નામ હિન્દુ જેવા નથી લાગતા.
ડો. જાનીએ આક્ષેપ કરતા લખ્યું કે ‘મારી કોંકણી મિત્ર પ્રથમ વખત ગરબા રમવા આવી હતી. તેમને પ્રવેશવાની લાઈનમાંથી બહાર કરાઈ અને કહેવાયું કે અમે તમારા આયોજનોમાં નથી આવતા, એટલા માટે તમે અમારી ઈવેન્ટમાં ના આવી શકો. મારી મિત્રએ જ્યારે કહ્યું કે તેની સરને મુરદેશ્વર છે, હું કન્નડ-મરાઠી છું. તો આયોજકે કહ્યું, કન્નડ શું હોય, તમે ઈસ્માઈલી છો.’
જા કે ડો. જાનીએ જણાવ્યું કે મંદિર મેનેજમેન્ટનો તેમના પર ફોન આવ્યો હતો અને આ સમગ્ર ઘટના પર ખેદ વ્યક્ત કર્યો હતો. મેનેજમેન્ટે જણાવ્યું કે તેઓ આ પ્રકારના ભેદભાવમાં વિશ્વાસ નથી રાખતા. આ સ્વયંસેવકોની ભૂલ હતી.
(જી.એન.એસ)
જંગ એ ગુજરાત ના વેબ ન્યૂઝ પોર્ટલ માટે
માનદ પ્રતિનિધિ નિમવાના છે તો સંપર્ક કરો
MO. 9978406923
PRESS CARD આપવામાં આવશે.
આવતી કાલના સમાચાર પત્રો ના સંભવિત સમાચાર આજેજ નિહાળો.(રોજ રાત સુધી માં 100 થી વધુ સમાચાર માટે જોતા રહો)
www.jungegujarat.in
*જાહેરાત માટે સંપર્ક કરો
7574888861
"વંદે માતરમ ,ભારત માતાકી જય"
