ન્યુ દિલ્હી,
તા.૨/૪/૨૦૧૮
સુપ્રીમ કોર્ટ દહેજ વિરોધી કાયદામાં સજાની જાગવાઈની માન્યતાની પરખ કરશે. સુપ્રીમે દહેજ લેવા અને દેવાના ગુનામાં સજાની જાગવાઈ કરનારી કલમ-૩ની માન્યતાને પડકારતી અરજી પર વિચાર કરવાનું મન બનાવતાં કેન્દ્ર સરકારને નોટિસ જારી કરી છે. કલમ-૩માં દહેજ લેવા અને આપવાના ગુનામાં ઓછામાં ઓછી પાંચ વર્ષની જેલસજા અને દંડની સજાની જાગવાઈ છે પરંતુ વધુમાં વધુ સજા કેટલી હશે એ નક્કી થઈ શકતું નથી. આ આધાર પર દહેજ વિરોધી કાયદાની કલમ-૩ને રદ કરવાની માગ કરવામાં આવી છે.
ન્યાયમૂર્તિ રંજન ગોગોઈ અને ન્યાયમૂતિર્ આર.ભાનુમતિની પીઠે ચર્ચા સાંભળ્યા બાદ રીપક કંસલની અરજી પર નોટિસ જારી કરી કેન્દ્ર સરકાર પાસે જવાબ માગ્યો છે. આ પહેલાં વકીલ આર.એસ.સૂરીએ દહેજ વિરોધી કાયદાની કલમ-૩ને રદ કરવાની માગ કરતાં કહ્યું કે આ કલમ અધૂરી છે અને હાલના સ્વરૂપમાં બન્યા રહેવાને લાયક નથી. આ કલમ રાજ્યની દંડ નીતિ અંગે અનિશ્ચિત વ્યવસ્થા આપે છે. તેમણે કહ્યું કે કલમ-૩ આરોપીના મૌલિક અધિકારોનું હનન કરે છે. આ બંધારણની કલમ ૧૪, ૧૯, ૨૦ અને ૨૧ વિરુદ્ધ છે. અરજીમાં કહેવાયું છે કે કાયદામાં નિયમ નક્કી છે કે દંડ વિધાનમાં કોઈ પ્રકારની અસ્પષ્ટતા અથવા ભ્રમની સ્થતિ ન હોવી જાઈએ જ્યારે કલમ-૩માં એ સ્પષ્ટ નથી કે કોઈ વ્યક્તિને વધુમાં વધુ કેટલી સજા થઈ શકે છે. દંડ નીતિના હિસાબથી આ કલમ અપૂર્ણ છે. એવું પણ કહેવાયું છે કે દહેજ વિરોધી કાયદાની કલમ-૩ અન્ય કાયદા જેવા અપરાધ પ્રક્રિયા સંહિતા (સીઆરપીસી)ની કલમ ૪૩૬-એ માટે અનુકુળ પણ નથી. સીઆરપીસીની કલમ ૪૩૬એ કહે છે કે કોઈ પણ વિચારાધીન કેદીને આરોપીત અપરાધમાં અપાનારી વધુમાં વધુ સજાની અડધી અવધિથી વધુ જેલમાં ન રાખી શકાય પરંતુ કલમ-૩માં વધુમાં વધુ સજાની જાગવાઈ ન હોવાને કારણે આરોપીને અનિશ્ચિત કાળ સુધી જેલમાં બંધ રાખવામાં આવી શકે છે જે આરોપીની સમાનતા અને સ્વતંત્રતાના મૌલિક અધિકારનું ઉલ્નઘન કરે છે.
"વંદે માતરમ ,ભારત માતાકી જય"
