મુંબઇ,તા.૨૪
અભિનેત્રી સારા અલી ખાને બાલીવૂડમાં એન્ટ્રી કરતાની સાથે જ તેના અભિનયથી લોકોના દિલ જીતી લીધા છે ત્યારે પિતા સૈફ અલી ખાન પણ તેની દીકરીની પ્રશંસા કર્યા વગર ન રહી શકિયો. હાલમાં જ સૈફએ દીકરીના વખાણ કરતા જણાવ્યું હતું કે મને શરૂઆતથી જ સારા પર ગર્વ હતો. અમૃતાએ જે રીતે તેનું પાલન-પોષણ કર્યું છે, તે જોઇને હું ખુશ છું. સારા એક ઇન્ટેલિજન્ટ વ્યકિત છે. તેણે કોલંબિયા યુનિવર્સિટીમાં ઍડમિશન લઇને બે વર્ષમાં જ ગ્રેજ્યુએશન પૂર્ણ કરી લીધું. ફિલ્મ ‘કેદારનાથ’માં સારાનો અભિનય જાઇને હું ઘણો પ્રભાવિત થયો હતો.
સારાની અત્યાર સુધીમાં બે ફિલ્મ રિલીઝ થઇ ચૂકી છે. બંને ફિલ્મમાં તેણે દીલથી પાત્ર ભજવ્યા છે. અભિનયના મામલે સારા તેની માતા અમૃતા પાસેથી સલાહ લે છે. હવે સારા ૯૦ના દશકની કામેડી ફિલ્મ ‘કુલી નંબર વન’માં નજરે ચડી શકે છે. આ ફિલ્મમાં તે વરુણ ધવન સાથે કામ કરશે.
"વંદે માતરમ ,ભારત માતાકી જય"
