ગાંધીનગર,
તા.૨૮/૦૩/૨૦૧૮
તમામ મહાનગરોમાં આ આદેશનો અમલ કરાશે
રાજ્યમાં વાહનચાલકોને વાહન વ્યવહાર અધિનિયમના વિવિધ નિયમોના ભંગ બદલ સીસીટીવી દ્વારા ડાયરેક્ટ ફોટો લઇને ઇ-મેમો આપી દંડ વસુલવાની પદ્ધતિ ફરી શરૂ કરવામાં આવશે. ઇ-મેમોની પુનઃ શરૂઆત ગૃહ રાજ્યમંત્રી પ્રદીપસિંહ જાડેજાએ કરી હતી. આગામી ૧૫ એપ્રિલથી ઇ-મેમો શરૂ કરાશે. તમામ મહાનગરોમાં આ આદેશનો અમલ કરાશે.
સિસ્ટમ એરર હોવાથી ખોટા ઇ-મેનોની વ્યાપક ફરિયાદ હતી અને લોકોમાં રોષ હતો. આ ઉપરાંત વસૂલાત નહીં થતી હોવાથી સરકારને પણ કરોડોનું નુકસાન થતું હતું. ઇ-મેમો બંધ કરતાં સમયે ગૃહ મંત્રી પ્રદિપસિંહ જાડેજાએ કહ્યું હતું કે, સિસ્ટમમાં એરર હોવાથી કેટલીક ક્ષતિઓ આવતા સ્માર્ટ સીટી પ્રોજેકટ આગામી ચાર મહિનામાં પુર્ણ થાય તેમ હોવાથી હાલના તબક્કે ઇ-મેમો આપવાની પધ્ધતિ રદ કરવામાં આવે છે.
અગાઉ રાજ્ય સરકારના ધ્યાન પર એવું આવ્યું હતું કે, નિયમ ભંગ કર્યો ન હોય તેવા વાહનચાલકને પણ ઇ-મેમો મળતો હોવાથી તેમને મુશ્કેલી પડે છે. અમદાવાદ, સુરત, રાજકોટ અને વડોદરા, ગાંધીનગર, મોરબી અને ભાવનગર સહિતના શહેરોમાં સ્માર્ટ શહેરોની કામગીરી ચાલુ છે.
"વંદે માતરમ ,ભારત માતાકી જય"
