બેરૂત,તા.૨
ઉત્તરી સીરિયામાં જેહાદીઓ અને વિદ્રોહીઓ વચ્ચે થયેલ અથડામણે હિંસક સ્વરૂપ ધારણ કરી લેતા ઓછામાં ઓછા ૧૯ લોકોના મોત નિપજ્યા છે. સીરિયન આૅબ્ઝર્વેટરી ફોર હ્યુમન રાઈટ્સે જણાવ્યું કે, પશ્ચિમ અલપ્પો વિસ્તારમાં આતંકવાદી સંગઠન અલકાયદાથી સંબંધિત હયાત તહરીર અલ શામ (એચટીએસ) અને વિદ્રોહિયોના એક સંગઠન વચ્ચે ભીષણ અથડામણ થઈ હતી. એચટીએસે આરોપ લગાવ્યો કે વિદ્રોહી સંગઠન નૂરેદ્દીની અલ જિંકીએ તેમના પાંચ છોકરાઓની હત્યા કરી દીધી છે.
ત્યારબાદ તેણે પશ્ચિમોત્તર વિસ્તારમાં ઈદલિબમાં વિદ્રોહિઓ વિરુદ્ધ કાર્યવાહી શરૂ કરી હતી. સંગઠનના વડા રામી અબ્દેલ રહેમાને કહ્યું કે એચટીએસના ૧૨ છોકરાઓ અને બે નાગરિકો સહિત જિંકી સમાજના પાંચ લોકો માર્યા ગયા છે. ત્યારબાદ તેમણે કહ્યું કે, જેહાદીઓ અને વિદ્રોહીઓ વચ્ચે થયેલ અથડામણમાં લગભગ ૩૫થી વધારે લોકોને ઈજા પહોંચી છે. ઉલ્લેખનીય છે કે, નૂરેદ્દીની અલ જિંકી તુર્કી સમર્થિત વિદ્રોહી ગઠબંધન નેશનલ લિબરેશન ફ્રન્ટ (એનએલએફ)માં મહત્વનું સ્થાન ધરાવે છે.
"વંદે માતરમ ,ભારત માતાકી જય"
